«Radio Voice of America – რადიო ამერიკის ხმა» (აშშ): საქართველო-აშშ: გზავნილები თეთრი სახლიდან

«RFE//RL – თავისუფალი ევროპა//თავისუფლება» (აშშ): საფრანგეთის ახალი პრეზიდენტი და საქართველოს ინტერესები

«Radio Voice of America – რადიო ამერიკის ხმა» (აშშ): სალობიე, იური ლუჟკოვი და ოკუპაციის ფარატინა კანონი

«Интерфакс» (რუსეთი): ინტერვიუ სომხეთის თავდაცვის მინისტრთან ვიგენ სარქისიანთან: „დიდ ტკივილს ვგრძნობთ და დიდად ვდარდობთ იმ ყოველ გამწვავებაზე, რომელიც საქართველოსა და რუსეთს შორის ხდება“

«The Huffington Post» (აშშ//გერმანია): აღმოსავლეთ ევროპა: არავითარი საფრთხე მოგზაურებისათვის // საქართველო – ევროპის ერთ-ერთი ყველაზე მშვენიერი რეგიონი

—————–

«Radio Voice of America – რადიო ამერიკის ხმა» (აშშ), 09 მაისი, 2017 წელი

http://www.amerikiskhma.com/a/white-house-on-pm-pres-meeting/3843485.html

საქართველო-აშშ: გზავნილები თეთრი სახლიდან

ამერიკის შეერთებული შტატების ვიცე-პრეზიდენტ მაიკ პენსთან საქართველოს პრემიერ-მინისტრის გიორგი კვირიკაშვილის შეხვედრის შემდეგ, თეთრმა სახლმა საგანგებო განცხადებაში აღნიშნა:

„დღეს, თეთრ სახლში, ვიცე-პრეზიდენტი მაიკ პენსი საქართველოს პრემიერ-მინისტრ გიორგი კვირიკაშვილს შეხვდა. ორმა ლიდერმა ხაზი გაუსვა აშშ-საქართველოს მტკიცე სტრატეგიულ პარტნიორობას, რომელიც 25 წელია, ღრმავდება. აღინიშნა გლობალურ უსაფრთხოებაში საქართველოს წვლილის მნიშვნელობა. ვიცე-პრეზიდენტმა განსაკუთრებული მადლიერება გამოხატა ქართველი ხალხის მიერ გაღებული მსხვერპლის გამო – 31-მა ქართველმა ჯარისკაცმა ავღანეთში, ნატოს ძალების მხარდამხარ ბრძოლაში თავი გაწირა. ვიცე-პრეზიდენტმა დაადასტურა საქართველოს სუვერენიტეტისა და საერთაშორისოდ აღიარებულ საზღვრებში მისი ტერიტორიული მთლიანობის მიმართ აშშ-ის ადმინისტრაციის ურყევი მხარდაჭერა. ვიცე-პრეზიდენტი მიესალმა პრემიერ-მინისტრის ხელმძღვანელობით განხორციელებულ პოლიტიკურ და ეკონომიკურ რეფორმებს და დაადასტურა აშშ-ის მხარდაჭერა საქართველოს %E