„რეზონანსი//მთელი კვირა“: ამერიკული წვრთნები საქართველოს დასაცავად // „სანამ ამერიკელი ჯარისკაცები ჩვენს ტერიტორიაზე არიან, ცხვირს ვერავინ შემოყოფს»

„რეზონანსი//მთელი კვირა“: რატომ მოგვხსნეს სწავლებიდან: “ანაკონდა 2016″ ქართველების გარეშე? // “რუსეთმა არ დაუშვა, რომ პოსტსაბჭოური ბანაკის ჯარისკაცს ევროპაში, ნატოს წვრთნებში მიეღო მონაწილეობა”

„რეზონანსი//მთელი კვირა“: ინტერვიუ ნინო ბურჯანაძესთან: „გიორგი მარგველაშვილის ან გიორგი კვირიკაშვილის ვლადიმირ პუტინთან შეხვედრა ძნელად წარმომიდგენია”

„რეზონანსი//მთელი კვირა“: საქართველოს ვიზალიბერალიზაციის საკითხის შეფერხება ხომ არ გააძლიერებს პრორუსულ ძალებს?

———

„კვირის პალიტრა“: ინტერვიუ მამუკა არეშიძესთან: „დასავლეთშიც არიან პოლიტიკოსები, რომლებიც ნაყიდი ჰყავს რუსეთს” // “დიდი სიფრთხილე გვმართებს, ძალიან მძიმე არჩევნები გველოდება“

„კვირის პალიტრა“: ინტერვიუ ირაკლი ალასანიასთან: „ბიზნესმენებს ოპოზიციის დაფინანსების არ უნდა ეშინოდეთ» // „საქართველო ვიზალიბერალიზაციას იმსა­ხურებს, მაქსიმუმი გაკეთდა მის მისაღებად და სკეპტიკურად განწყობილი მხარეები ამაში უნდა დავარწმუნო“

„კვირის პალიტრა“: ინტერვიუ კახა კალაძესთან: „ბიძინა ივანიშვილის გააქტიურება გადამწყვეტი ფაქტორი იქნება“ // „ვიზალიბერალიზაციას აუცილებლად მივიღებთ, შეფერხებაზე საუბარი კი ამ პროცესის შემადგენელი რგოლია“

„კვირის პალიტრა“: ინტერვიუ ნიკო მლეკიშვილთან: „იმ პოლიტიკური ძალის მაჟორიტარი კანდიდატი ვიქნები, ვინც ეს პირველად შემომთავაზა…“

„კვირის პალიტრა“: ინტერვიუ ირმა ინაშვილთან: „ლევან ბერძენიშვილი პრორუსი და „სტაჟიანი­ აგენტია“ // „არ გამოვრიცხავ, ბლოკი მალე კიდევ უფრო გაფართოვდეს“

———

„ყოველკვირეული ალია“: ინტერვიუ გიგლა ბარამიძესთან: ექსპერტები ვარაუდობენ, რომ თამაზ მეჭიაურს ნინო ბურჯანაძის ჩასაძირად შეუქმნა პარტია!? // „ქართულ ოცნებას“, სოფელსა თუ ქალაქში, მკვდარსა და ცოცხალს აგინებენ

———

„ახალი თაობა“: ინტერვიუ შოთა მალაშხიასთან: „ვიზალიბერალიზაციის შესაფერხებლად საბაბი ჩვენც არ უნდა გავაჩინოთ“ // „ბიძინა ივანიშვილს წასასვლელი არსად აქვს

„ახალი თაობა“: ვანო მერაბიშვილის გათავისუფლების საკითხი ხვალ, 14 ივნისს, გადაწყდება // ინტერვიუ ლადო სადღობელაშვილთან: „ქართულმა ოცნებამ“ ამისთვის ნიადაგი უკვე მოამზადა“

„ახალი თაობა“: ინტერვიუ ბიძინა გუჯაბიძესთან: „ქართული ოცნება“ პარლამენტში 115 დეპუტატს გაიყვანს“ // „კონსერვატორებს “ოცნებასთან“ ყოფნა გვინდა“

——————–

„რეზონანსი//მთელი კვირა“, 13 ივნისი, 2016 წელი

ამერიკული წვრთნები საქართველოს დასაცავად

„სანამ ამერიკელი ჯარისკაცები ჩვენს ტერიტორიაზე არიან, ცხვირს ვერავინ შემოყოფს“

თაკო მათეშვილი

გადამწყვეტი მნიშვნელობის – ასე აფასებენ წინასაარჩევნოდ ამერიკული წვრთნების ინტენსივობის გაზრდის შესახებ ინფორმაციას სპეციალისტები და დასძენენ, რომ ეს ყველაფერი საქართველოს თავდაცვისუნარიანობის ამაღლებაში დადებით წვლილს შეიტანს. მათი აზრით, ეს ყველაფერი არჩევნებს შემთხვევით არ დამთხვევია. ფიქრობენ, რომ მართალია, ნატოში ვერ გვიღებენ და ჯარებს საქართველოს ტერიტორიაზე ვერ ათავსებენ, მაგრამ კრიტიკულ სიტუაციაში საკმაოდ მნიშვნელოვნად გვეხმარებიან. ახლა კი, მათი აზრით, სწორედ რომ კრიტიკული სიტუაციაა, რადგან არჩევნები მოდის და რუსეთი ყოველგვარი პროვოკაციისათვის მზადაა.

ინფორმაცია იმის შესახებ, რომ აშშ საქართველოში სამხედრო სწავლების რაოდენობას გაზრდის, გასულ კვირას გავრცელდა. მას საქართველოში მუდმივი სამხედრო ძალების განლაგების გეგმა არა აქვს, თუმცა აპირებს, საქართველოში სამხედრო წვრთნებისა და სწავლების ჩატარების ინტენსივობა გაზარდოს.

განცხადება ამის შესახებ აშშ-ის თავდაცვის მინისტრის თანაშემწის მოადგილემ, მაიკლ კარპენტერმა აშშ-ის სენატის საგარეო საქმეთა კომიტეტში გამართულ მოსმენაზე გააკეთა. “ჩვენ ახლა ვაპირებთ, მეტი ყურადღება დავუთმოთ საქართველოს შეიარაღებული ძალების გაწვრთნას მათი თავდაცვითი შესაძლებლობების გაძლიერების მიზნით. აშშ-ს საქართველოში მუდმივი სამხედრო ძალების განლაგების გეგმა არა აქვს, მაგრამ აქვს გეგმა, გაზარდოს სამხედრო სწავლებისა და წვრთნების ინტენსივობა”, – განაცხადა მაიკლ კარპენტერმა. სიტყვით გამოსვლისას მან ისიც აღნიშნა, რომ რუსეთს საქართველოს ტერიტორიის 20% აქვს ოკუპირებული და დღემდე განაგრძობს ადმინისტრაციული საზღვრის შეცვლას, ასევე საქართველოზე ზეწოლას ახდენს.

მაიკლ კარპენტერის შეფასებით, ცხინვალის დე ფაქტო ლიდერის, ლეონიდ თიბილოვის განცხადება რუსეთთან მიერთების საკითხზე რეფერენდუმის ჩატარების შესახებ საქართველოზე რუსეთის ზეწოლის კიდევ ერთი მაგალითია.

“2008 წელს რუსეთის შეჭრის შემდეგ ჩვენი მიზანი იყო საქართველოს მდგრადობის გაძლიერება და რუსეთის წინაშე საქართველოს დაუცველობის შემცირება. დაახლოებით ორი კვირის წინ ვიმყოფებოდი საქართველოში, სადაც ვესწრებოდი სწავლებას “ღირსეული პარტნიორი”, რომელიც საქართველოსთან ერთად ჩავატარეთ. ჩვენ მათ ვეხმარებით თავდაცვითი შესაძლებლობების გაძლიერებაში”, – განაცხადა აშშ-ის თავდაცვის უწყების წარმომადგენელმა.

მაიკლ კარპენტერმა ხაზი გაუსვა საქართველოს მიერ შეტანილ წვლილს საერთაშორისო მისიებში და აღნიშნა, რომ საქართველო მეორე ყველაზე მსხვილი კონტრიბუტორი ქვეყანაა “მტკიცე მხარდაჭერის მისიაში”, ავღანეთში.

ამავდროულად, ამერიკაში ვიზიტით საქართველოს თავდაცვის მინისტრი თინა ხიდაშელი მეტად კმაყოფილია – “თეთრ სახლში იმაზე მეტი სიურპრიზი დაგვახვედრეს, ვიდრე ველოდით” – ასე შეაფასა მან სამუშაო შეხვედრები, რომელიც გასულ კვირაში შედგა.

მინისტრის განცხადებით, დღის წესრიგი უცვლელი იყო – ქართულ-ამერიკულ ურთიერთობებში მეტი წარმატების მიღწევა, რომელიც სტრატეგიულ პარტნიორებს შორის ურთიერთობებს ახალ და განსაკუთრებულ ფაზაში გადაიყვანს. ამ ურთიერთობების შედეგები კი საქართველოს თავდაცვისუნარიანობის გაძლიერებაში იქნება გამოხატული. ორმხრივ შეხვედრაზე მხარეებმა მოახლოებული ნატოს ვარშავის სამიტის მოლოდინზეც ისაუბრეს. “თეთრ სახლში საუბარი, რა თქმა უნდა, ჩვენი ქვეყნის თავდაცვისუნარიანობის გაძლიერებას შეეხებოდა. ძალიან კარგი ახალი ამბები გვაქვს. კიდევ ერთხელ ვიმეორებ – საუბარი მაქვს საქართველოს თავდაცვის და უსაფრთხოების გაძლიერების ნაწილზე ორი ქვეყნის ურთიერთობების გაძლიერების ფორმატში”, – განაცხადა თინა ხიდაშელმა.

წვრთნებისა და სწავლების ჩატარება საქართველოსთვის მნიშვნელოვანი და პოზიტიური სიახლე რომაა, ამაზე განცხადებები ხელისუფლებაში მაშინვე გაკეთდა. საქართველო-ამერიკის ორმხრივი პარტნიორობის გაღრმავება და გაძლიერება კი, მათი აზრით, ნატოსთან დაახლოების გარანტიაა. “უნდა გვესმოდეს, რომ იმ დღეებში მაინც, როდესაც აქ ამერიკული ტანკი შემოდის, ან ამერიკული წვრთნები მიმდინარეობს, ჩვენზე თავდასხმა მოსალოდნელი არ არის. უსაფრთხოების თვალსაზრისით მაქსიმალურად უნდა დავუახლოვდეთ ნატოს, რათა შეწყდეს საუბარი, თითქოს ნატოსთან დაახლოება საფრთხის შემცველია. ნატოსთან დაახლოება არის უსაფრთხოების გარანტია”, – განაცხადა საპარლამენტო უმრავლესობის წევრმა, ევროპასთან ინტეგრაციის კომიტეტის თავმჯდომარე ლევან ბერძენიშვილმა.

სიახლის მნიშვნელობას არც პოლიტოლოგები და სამხედრო ანალიტიკოსები აკნინებენ, თუმცა აქვე იმასაც დასძენენ, რომ უკვე დროა, ამერიკა უფრო კონკრეტულ ნაბიჯებსაც გვთავაზობდეს.

სამხედრო ექსპერტი ვახტან მაისაია ფაქტს სასიამოვნოს უწოდებს და დასძენს, რომ ეს ყველაფერი საქართველო-ამერიკის ორმხრივი ურთიერთობის დონეზე განიხილება, თუმცა ნატოს-თან ურთიერთობაზეც აისახება, რადგან ამერიკას ალიანსში მძლავრი პოზიციები აქვს – სამხედრო სტრუქტურების ბერკეტები უშუალოდ მის ხელშია. ამიტომ, მისი აზრით, სარგებელს ორივე შემთხვევაში გამოიწვევს – ეს იქნება ამერიკა-საქართველოსა და ნატო-საქართველოს კონტექსტში. რაც შეეხება დეტალებს, მაგალითად, იმას, ჩამოვა თუ არა წვრთნების დროს სამხედრო შეიარაღება და ტექნიკაც, რა სახის ტექნიკაზე შეიძლება იყოს საუბარი და ა.შ. ვახტანგ მაისაია ამბობს, რომ შესაძლოა, ეს ცალკე მოლაპარაკების თემა იყოს. თუმცა, მისი აზრით, კარგი იქნებოდა, ამერიკელებს სპეციალური მიზნობრივი პროგრამები გამოეყოთ, რის ფარლებშიც საქართველოს თუნდაც მოძველებული ამერიკული ტექნიკა გადმოეცემოდა და ამით ჩვენი თავდაცვისუნარიანობა გაძლიერდებოდა. ამბობს, რომ უპრიანი იქნებოდა, ხიდაშელს ამისთვის მიეღწია.

“სასურველი იქნებოდა, სპეციალიზებული მიზნობრივი პროგრამებიც განვითარებულიყო, როგორც ეს ამერიკა-იორდანიის, ამერიკა-ეგვიპტის, ამერიკა-ისრაელის მოდელის ფორმატში ხორციელდება. 2009 წლის ქარტიის მიხედვით ამერიკა და საქართველო სტრატეგიული პარტნიორები არიან და, ბუნებრივია, უკვე შეგვიძლია ჩვენს ამერიკელ პარტნიორებს ვთხოვოთ, მიზანმიმართული სამხედრო დახმარების პროგრამები გამოიყოს. ეს ბევრად ეფექტური იქნება იმ წვრთნებთან ერთად, რომლებიც უკვე დაიგეგმა. იმედია, ეს მიმართულებაც განვითარდება. წვრთნების ჩატარება ძალიან კარგია, მაგრამ უკვე მიზნობრივ სამხედრო დამხარებებზე გადასვლაა საჭირო – შეიარაღების მიზნობრივი შესყიდვები მისაღებ ფასებში და მიზანმიმართული ფინანსური დახმარება სხვადასხვა სამხედრო მიმართულებების განსავითარებლად, რაც ამ ეტაპზე ძალიან გვაკლია”, – ამბობს ვახტანგ მაისაია. მისივე თქმით, იმ ყველაფრის ფონზე, რომ ქართული ასეული “ანაკონდა 2016″-ის წვრთნებიდან მოიხსნა, აღნიშნული სიახლე განსაკუთრებულად სასიხარულოა. მართალია, ნატო-საქართველოს დაახლოებაში სასიკეთო ძვრები არ გვაქვს, მაგრამ საქართველო-ამერიკის ურთიერთობაში ამგვარი პესიმიზმის საფუძველი არაა.

პოლიტოლოგი თორნიკე შარაშენიძე კი აღნიშნული სიახლის მიზეზებით ინტერესდება და ყველაფერს არჩევნებს უკავშირებს, რომელიც დაახლოებით 4 თვეში გველის.

ამბობს, რომ ტექნიკისა და იარაღის შემოტანაზე დაზუსტებული ინფორმაცია არ არსებობს, თუმცა წვრთნები მაინც მეტად მნიშვნელოვანია.

“ახლა არჩევნები მოდის. ყოველი არჩევნების წინ კი რუსული ჯარების შემოსვლის საფრთხეა. შეიძლება იმით ისარგებლონ, რომ აქ პროტესტი გაჩნდეს, ხალხი ქუჩაში გამოვიდეს, ან რამე მსგავსი და ისინიც “ქართველი ხალხის დასაცავად” შემოვლენ. ყველაზე დიდი გარანტია კი იმისა, რომ ასე არ მოხდეს, საქართველოს ტერიტორიაზე ამერიკის ჯარების წვრთნაა.

“ყველამ კარგად იცის, რომ სანამ ამერიკელი ჯარისკაცები ჩვენს ტერიტორიაზე არიან, ცხვირს ვერავინ შემოყოფს. ასე რომ, მგონია, სწორედ არჩევნებს უკავშირდება, რადგან არჩევნების დროს საფრთხე ძალიან დიდია”, – დასძენს შარაშენიძე.

„რეზონანსი//მთელი კვირა“, 13 ივნისი, 2016 წელი

რატომ მოგვხსნეს სწავლებიდან: “ანაკონდა 2016″ ქართველების გარეშე?

“რუსეთმა არ დაუშვა, რომ პოსტსაბჭოური ბანაკის ჯარისკაცს ევროპაში, ნატოს წვრთნებში მიეღო მონაწილეობა”

თაკო მათეშვილი

პოლონეთში დაგეგმილ საერთაშორისო სწავლებაში “ანაკონდა 2016″ ქართველების მონაწილეობის არმიღების გამო სპეციალისტები პესიმისტურ და უიმედო დასკვნებს აკეთებენ და ამბობენ, რომ დიდი ალბათობით, ეს ბრიუსელის ნებით მოხდა. ეს კი, მათი აზრით, იმას ნიშნავს, რომ წვრთნებში თუ არ გვაღებინებენ მონაწილეობას, მაპ-ისა და ნატოში გაწევრიანების იმედი საერთოდ არ უნდა გვქონდეს.

ინფორმაცია იმის შესახებ, რომ პოლონეთი საქართველოსგან ოფიციალურ ახსნა-განმარტებას ელოდება, თუ რატომ არ მიიღეს მონაწილეობა ქართველმა სამხედროებმა პოლონეთში მიმდინარე სწავლებაში “ანაკონდა-2016″, გუშინ გავრცელდა.

როგორც პოლონური მედია იტყობინება, ამის შესახებ პოლონეთის შეიარაღებული ძალების ოპერატიული სარდლობის პრესმდივანმა პეტრ ვალატეკმა განაცხადა – “ქართველები მოწვეული იყვნენ სწავლებაში, ისინი არ ჩამოვიდნენ. ჩვენ ველოდებით ოფიციალურ პოზიციას”, – აღნიშნა მან.

ამავდროულად, “რადიო თავისუფლების” რუსულმა ბიურომ ქართულ დიპლომატიურ წრეებზე დაყრდნობით გაავრცელა ინფორმაცია, რომ ნატოს შტაბბინაში ბრიუსელიდან საქართველოს სთხოვეს სწავლებაში ფართო მონაწილეობა არ მიეღო. მიზეზი კი ისაა, რომ რუსეთი ვარშავის სამიტამდე ზედმეტად არ გაეღიზიანებინათ, ვინაიდან სამიტზე საქართველომ შესაძლოა ნატოს ასოცირებული პარტნიორის სტატუსი მიიღოს.

თუმცა, როგორც “პოლონეთის რადიო” იტყობინება, პოლონეთის თავდაცვის სამინისტროს წარმომადგენელმა ბართლომე მისიევიჩმა უარყო, რომ ნატოში ქართველებს სწავლებაში მონაწილეობისგან თავშეკავებისკენ მოუწოდეს.

განმარტება გაავრცელა საქართველოს თავდაცვის სამინისტრომ, რომლის ინფორმაციითაც, 2016 წლის 6 ივნისს პოლონეთში დაგეგმილ საერთაშორისო სწავლებაში – “Anaconda-16″ ნატოს წევრი სახელმწიფოების სამხედროებთან ერთად მონაწილეობა უნდა მიეღო საქართველოს შეიარაღებული ძალების მე-12 მსუბუქი ქვეითი ბატალიონის მე-3 მსუბუქ ქვეით ასეულს. თუმცა, გამგზავრებამდე რამდენიმე დღით ადრე ქვეით ასეულში ჩუტყვავილით დაავადების ორი შემთხვევა გამოვლინდა. მათი თქმით, ვირუსი ჯარისკაცებს ოჯახის მცირეწლოვანი წევრებისგან გადაედოთ და სწორედ ეს გახდა წვრთნებზე ასეულის არგაშვების მიზეზი.

“მთელი კვირა” შეეცადა გაერკვია, თუ რამდენად სარწმუნოდ ჟღერს თავდაცვის სამინისტროს არგუმენტი და შეიძლება თუ არა ჩუტყვავილა ერთ-ერთი ყველაზე მნიშვნელოვანი და მასშტაბური წვრთნებიდან გამოთიშვის საფუძველი გახდეს.

ჟურნალ არსენალის” მთავარი რედაქტორი ირაკლი ალადაშვილი თავდაცვის სამინისტროს მიერ მოყვანილ მიზეზს უცნაურს უწოდებს და ამბობს, რომ ვირუსი რამდენიმე ადამიანს კიდევაც რომ შეყროდა, მათი ჩანაცვლება არანაირ პრობლემას არ წარმოადგენდა. ასევე არც მათი გაგზავნის წინ კიდევ ერთხელ შემოწმება.

რაც შეეხება მეორე, არაოფიციალურ ინფორმაციას, სამხედრო ანალიტიკოსი მიიჩნევს, რომ გამორიცხული არაა, იგი სიმართლესთან მეტ-ნაკლებად ახლოს იყოს, რადგან რუსეთის არგაღიზიანების ფაქტორი შესაძლოა მართლაც არსებობდეს. იგი ამბობს, რომ ცივი ომის დამთავრების შემდეგ “ანაკონდა” ყველაზე ფართომასშტაბიანი სწავლებაა და იგი რუსეთის ხელისუფლების მართლაც საოცარ გაღიზიანებას იწვევს.

“რუსეთმა ორი ბრიგადა დასავლეთით, მუდმივი დისლოკაციის ადგილას გადაისროლა კიდეც. ანუ, დასავლეთის მიმართულება გააძლიერა. სიტუაცია მთლად მარტივი არაა, დაძაბულობა რეალურად ჩანს. მითუმეტეს პენტაგონი არ მალავს, რომ რუსეთმა თუ მოინდომა, მთელი ბალტიისპირეთის, ნატოს წევრი ამ სამი ქვეყნის ოკუპირება 60 საათში შეუძლია ისე, რომ ნატო შესაბამის რეაგირებას ვერც მოახდენს. ეს რეალური საფრთხეებია. ერთი მხრივ, პოლიტიკური თვალსაზრისით შეიძლება გაგებული იქნეს ის, რომ არგაღიზიანების გამო ასეული არ გაგზავნეს, მაგრამ მეორე მხრივ, რუსეთი ყველაფერზე ღიზიანდება და რა გამოდის, საქართველომ დასავლეთისაკენ სწრაფვა ნელ-ნელა უნდა შეაჩეროს? ასე რომ, მარტივი სიტუაცია ნამდვილად არაა. ვნახოთ, რა იქნება ვარშავის სამიტზე, თუმცა, იმის იმედი, რომ იქ სერიოზული გარღვევა მოხდება და საქართველო მაპ-ს მიიღებს, არ მაქვს”, – დასძენს იგი. მისივე თქმით, ვიზალიბერალიზაციით უკვე გამოჩნდა, რომ ეს სამეული – გერმანია, საფრანგეთი და იტალია, საქართველოს დასავლეთთან დაახლოებაზე ძალიან ფრთხილ პოზიციას იკავებს.

რაც შეეხება იმას, თუ რა იგულისხმება ნატოს ასოცირებული პარტნიორის სტატუსში, რომელსაც არაოფიციალური ინფორმაციით, წვრთნებში მონაწილეობის არმიღების სანაცვლოდ მივიღებთ, ირაკლი ალადაშვილი ამბობს, რომ იგი კიდევ უფრო დაბალი საფეხურია, ვიდრე მაპ-ი.

“უკვე ბევრჯერ განგვიმარტეს, რომ მაპ-ის გარეშე საქართველო წევრი ვერ გახდება. ანუ, ასოცირება მაპ-ის ქვემოთ კიდევ ერთი პატარა საფეხურია. მართალია, ნატოში ამდენი წელი ეძინათ, მაგრამ დღეს მგონი, უკვე იქაც ხვდებიან, რომ სიტუაცია ძალიან სწრაფად ვითარდება და ალიანსი დღეს მოვლენებს ჩამორჩენილია. რუსეთი ლიდერობს, იმ გაგებით, რომ ის კარნახობს, თუ რა მოიმოქმედოს. ანუ, პირველ ნაბიჯს რუსეთი დგამს და შემდეგ ნატოს რაღაც საპასუხო ნაბიჯების გადადგმა უწევს. რეალობა ესაა”, – დაძინა მან.

ჩვენს კითხვაზე, რამდენად აამაღლებს ახალი სტატუსი ქვეყნის თავდაცვის უნარს, ანალიტიკოსი პასუხობს, რომ თავდაცვისუნარიანობის ამაღლებაზე, პირველ რიგში, თავად საქართველომ უნდა იზრუნოს – ტანკსაწინააღმდეგო ზღუდეების გამაგრებაზე, საჰაერო თავდაცვის გაძლიერებაზე, არტილერიისა და თანამედროვე საშუალებების მეტ-ნაკლებად მწყობრში მოყვანაზე და ა.შ. მაგრამ ეს ყველაფერი, მისივე თქმით, უზარმაზარ თანხებთან და დროსთანაა დაკავშირებული.

მეორე გზა ამის მისაღწევად, ირაკლი ალადაშვილის აზრით, უცხო ქვეყნის რომელიმე სამხედრო ბლოკის, პირველ რიგში კი ნატოს სამხედრო ბაზების განთავსებაა. თუმცა, აქვე იმასაც დასძენს, რომ ყველაფრის პოლიტიკური თვალსაზრისით მოგვარება ჯობია და რომ ეს ყველაზე საუკეთესო გამოსავალია.

“საქართველო რუსეთის მიერ მტრად არ უნდა იქნეს აღქმული. სამხედრო ბაზის განთავსების შემთხვევაში კი, ბუნებრივია, ჩვენ რუსული რაკეტების სამიზნეში კიდევ უფრო მეტად აღმოვჩნდებით. ეს ფაქტია. ასე რომ, პოლიტიკური ურთიერთობების დარეგულირება მთავარია. “თუმცა, თუკი 2008 წელს დაპირისპირება რუსეთსა და საქართველოს შორის იყო, დღეს დაპირისპირება რუსეთსა და დასავლეთს შორისაა. წარმოიდგინეთ, რა რთულ სიტუაციაშია საქართველო – დასავლეთთან უნდა, მაგრამ დასავლეთის უმთავრესი მტერი რუსეთია. ანუ, ჩვენც რუსეთის მოწინააღმდეგის პარტნიორად აღვიქმებით”, – აცხადებს ირაკლი ალადაშვილი.

“რადიო თავისუფლების” რუსული ბიუროს ინფორმაცია პოლიტოლოგ სოსო ცინცაძესაც უფრო დამაჯერებლად მიაჩნია, თუმცა, აქვე დასძენს, რომ ეს ჩვენთვის ყველაზე უარესია. მისი აზრით, უმჯობესი იქნებოდა, სხვა მიზეზი ყოფილიყო, ვიდრე ის, რომ წვრთნებს თავად ბრიუსელის ინიციატივით გამოვეთიშეთ. იგი ამბობს, რომ თუ ბრიუსელი წვრთნებში 100 ქართველის მონაწილეობასაც კი ერიდება, მაშინ ჩვენი ნატოში გაწევრიანების, ან მაპ-ის მიღების შანსი ნულია, რადგან ამისგან თავს უფრო შეიკავებენ.

პოლიტოლოგის თქმით, ამ ყველაფერმა ჩვენს ხელისუფლებას სერიოზული დასკვნებისაკენ უნდა უბიძგოს, თუკი მან “სირაქლემას პოზიცია” არ დაიკავა და ყველაფერი ჩუტყვავილას არ დააბრალა. “რეალურად, რუსეთმა არ დაუშვა, რომ პოსტსაბჭოური ბანაკის რომელიმე წევრის ჯარისკაცს ევროპაში, ნატოს წვრთნებში მიეღო მონაწილეობა. ამით პრეცედენტი შეიქმნებოდა და რუსეთმა თავისას მიაღწია – პრეცედენტი არ შეიქმნა”, – აცხადებს სოსო ცინცაძე.

კითხვა იმის შესახებ, თუ რას გულისხმობს ნატოს ასოცირებული პარტნიორის სტატუსი და რას მოიცავს იგი, სოსო ცინცაძესაც დავუსვით, რომელმაც პირდაპირ გვიპასუხა, რომ “არაფერსაც არ გულისხმობს, რაღაცებს იგონებენ და თითიდან წოვენ”. იგი ვარაუდობს, რომ ბრიუსელი რუსეთს წინასწარ კონფიდენციალურად აუხსნის, რომ ეს არაფერს ნიშნავს და რომ იგი უფრო ნაკლებია, ვიდრე 100 ქართველი ჯარისკაცის პოლონეთში ჩასვლა და წვრთნებში მონაწილეობა. “თუ ჩვენ ასოცირებულის სტატუსი მოგვცეს, ხოლო წვრთნებში არ დაგვიშვეს, აქედან ლოგიკური დასკვნა ისაა, რომ ეს ასოცირება უფრო არაფრისმაქნისია, ვიდრე ჩვენი 100 ჯარისკაცის პოლონეთში ჩასვლა”, – დასძენს იგი.

„რეზონანსი//მთელი კვირა“, 13 ივნისი, 2016 წელი

ინტერვიუ ნინო ბურჯანაძესთან: „გიორგი მარგველაშვილის ან გიორგი კვირიკაშვილის ვლადიმირ პუტინთან შეხვედრა ძნელად წარმომიდგენია”

თიკო ოსმანოვა

“ვიზალიბერალიზაციას არ გვაძლევენ იმ პრობლემების გამო, რომელიც არსებობს ევროკავშირში. ამაზე არაერთხელ მითქვამს. კრიტერიუმებით საქართველო ნამდვილად იმსახურებს ნატოს წევრობასაც და ვიზალიბერალიზაციასაც, მაგრამ ეს არის პოლიტიკური პროცესი”, – ამბობს “მთელ კვირასთან” საუბრისას “დემოკრატიული მოძრაობა ერთიანი საქართველოს” ლიდერი ნინო ბურჯანაძე.

პარტიის წინასაარჩევნო კამპანიის გეგმებზე და ქვეყანაში მიმდინარე პროცესებზე “მთელი კვირა” ნინო ბურჯანაძეს ესაუბრა.

ნინო ბურჯანაძე: მოსახლეობის ძალიან დიდი მხარდაჭერა გვაქვს და დარწმუნებული ვარ, ამას კიდევ უფრო გავზრდით. სრული პასუხისმგებლობით შემიძლია გითხრათ, ქვეყნის ბედისთვის ნამდვილად ძალიან მნიშვნელოვანია, რომ პარლამენტში “დემოკრატიული მოძრაობა” გადამწყვეტი ხმის უფლებით იყოს წარმოდგენილი. ვხედავთ რა ხდება ქვეყანაში – აბსოლუტურად უუნაროა ხელისუფლება, “ნაციონალურ მოძრაობას” ხელისუფლებაში უკან დაბრუნების პრეტენზია აქვს. აქედან გამომდინარე მხოლოდ ჩვენნაირ ძალას შეუძლია ქვეყანა გადაარჩინოს იმ უმძიმესი ვითარებიდან, რომელშიც აღმოჩენილია. მაგრამ უნდა გითხრათ, წინასაარჩევნო გარემო უკვე ძალიან მძიმეა. ის, რასაც პარლამენტში უმრავლესობა აკეთებს, პირდაპირ მიანიშნებს, რომ ხელისუფლება არჩევნების ფალსიფიკაციისთვის ემზადება, რაც ძალიან მძიმედ დამთავრდება. კატეგორიული პროტესტი გამოვაცხადეთ იმ ცვლილებებთან დაკავშირებით, რაც უფასო საეთერო დროის წართმევას ეხება. ხელისუფლებამ გააკეთა ის, რაც არ გაუკეთებია “ნაციონალურ მოძრაობასაც” კი. არჩევნებამდე 4 თვით ადრე პარტიას წაართვა ის, რაც წინა არჩევნების დროს ჰქონდა მოპოვებული. აქ გადამწყვეტი და წამყვანი როლი ითამაშა “რესპუბლიკურმა” პარტიამ. ეს არის სამარცხვინო, გერმანული მოდელის გამო წაგვართვეს უფასო საეთერო დრო. ამ გარიგებაზე წავიდნენ “რესპუბლიკელები” და ეს გააკეთეს ჩვენს ხარჯზე. პარლამენტის არსებობის მანძილზე არ მახსოვს, რომ ასეთი ღია ყაჩაღობა მომხდარიყო.

- რომელიმე პოლიტიკურ ძალასთან გაერთიანებასთან დაკავშირებით მიმდინარეობს თუ არა კონსულტაციები?

- სიაზე ჯერ ნაადრევია საუბარი. რაც შეეხება გაერთიანებას, ყველა ოპოზიციური პარტიის აზრს ვისმენთ, მაგრამ არ ვართ განწყობილი, ვინმესთან გავერთიანდეთ. საკმარისი ძალა გვაქვს იმისთვის, რომ საპარლამენტო არჩევნებზე სერიოზული შედეგი დავდოთ. არ ვიცით, რა სიურპრიზებს მოგვიმზადებს დღევანდელი ხელისუფლება, არ გამიკვირდება, ახლა დაფინანსებაც რომ წაგვართვას და კიდევ რაღაცები მოიფიქროს. მაგრამ ამისდა მიუხედავად, შევძლებთ ამომრჩევლის ხმების მოპოვებას და მათ დაცვას.

- წინასაარჩევნო კამპანიის სრულფასოვნად წარმართვის საშუალება გაქვთ?

- ხელისუფლება ოპოზიციურ პარტიას ართმევს იმას, რაც წინა არჩევნების დრო ჰქონდა მოპოვებული. პრაქტიკულად ჯიბეში ჩაგვიყო ხელი და ამოგვიღეს უფასო საეთერო დრო. არადა, ეს არის ჩვენი შესაძლებლობა, რომ ეთერით ველაპარაკოთ ადამიანებს, რას ვპირდებით და როგორ ვაპირებთ. საკმაოდ რთულ მდგომარეობაში აღმოვჩნდით.

სხვა პოლიტიკური პარტიებისგან განსხვავებით, ჩვენთვის ეთერი ხელმისაწვდომი არ არის. აქედან გამომდინარე, ყოველთვის გვიჭირს ჩვენი პოზიციის მოსახლეობამდე მიტანა. ბრიფინგს ჩავატარებთ და ყველა ტელევიზია აქედან მხოლოდ იმ ნაწილს იღებს, რომელიც თვითონ აწყობს და ისე უშვებს ეთერში. დებატებში კი, როგორც წესი, არ გვიწვევენ. ხალხთან საუბრის ერთადერთი შესაძლებლობა უფასო საეთერო დრო იყო და ისიც წაგვართვეს.

“ქართულ ოცნებას” და “ნაციონალურ მოძრაობას” ამის პრობლემა არ აწუხებთ, აქვთ უზარმაზარი ფინანსური რესურსი და შეუძლიათ, ეს დრო იყიდონ. არც ალასანიას და არც ბურჭულაძეს აწუხებთ ეს პრობლემა. ჩვენ კი ნამდვილად გვაქვს შეზღუდული ფინანსური რესურსები და უფასო სარეკლამო დროს ჩვენთვის დიდი მნიშვნელობა ჰქონდა.

- ყველა რაიონში გეყოლებათ მაჟორიტარი კანდიდატები?

- თვითმიზანი არ არის, რომ აუცილებლად ყველა რაიონში იყოს მაჟორიტარი, იმიტომ, რომ თუ ვერ ვიპოვით ღირსეულ ადამიანს, რომელსაც ღირსეულად შეუძლია ჩვენი პარტიის პოზიციების წარმოდგენა და არ ექნება სერიოზული მხარდაჭერა, შეიძლება ასეთ რაიონებში მაჟორიტარი არ დავაყენოთ. თუმცა ჯერჯერობით ვფიქრობთ, რომ ასეთი ადამიანების პოვნას ყველგან შევძლებთ.

- რა გეგმები გაქვთ რუსეთთან და დასავლეთთან ურთიერთობის განვითარებასთან დაკავშირებით?

- გავატარებთ იმ პოლიტიკას, რომელიც სჭირდება ჩვენს ქვეყანას.

- კონკრეტულად?

- მარაზმია, რაც საქართველოში ხდება. პოლიტიკოსებს თავი მოაქვთ იმით, რომ პროდასავლურები არიან და მათი მთავარი მიზანი ნატოში გაწევრიანება ყოფილა. ეს სირცხვილია, არ შეიძლება ნორმალური პოლიტიკოსის მიზანი იყოს ქვეყნის რომელიმე ორგანიზაციაში გაწევრიანება. პოლიტიკოსის მიზანი უნდა იყოს ქვეყნის გაერთიანება, დამოუკიდებლობა, ეკონომიკური განვითარება, დემოკრატია და ა.შ.

- თუმცა ნატოში და ევროკავშირში გაწევრიანების მომხრეა საზოგადოების უმეტესი ნაწილი, ეს არ არის მარტო პოლიტიკოსების თვითმიზანი…

- ჯერ ერთი, არ გვიღებენ ნატოში. მეორე, მოსახლეობის რა ნაწილი უჭერს მხარს, ეს კიდევ საკამათოა. მაგრამ უნდა აღვნიშნო, ერთადერთი, რა მიმართულებითაც ნამდვილად რამე კეთდება, არის ის, რომ საქართველო გახდეს ნატოს წევრი და მიიღოს ვიზალიბერალიზაცია. აქ საქართველოს პრაქტიკულად ყველაფერი შესრულებული აქვს.

- მაშინ რატომ ფერხდება ვიზალიბერალიზაციის პროცესი?

- ვიზალიბერალიზაციას არ გვაძლევენ იმ პრობლემების გამო, რომელიც არსებობს ევროკავშირში. და ამაზე არაერთხელ მითქვამს. კრიტერიუმებით საქართველო ნამდვილად იმსახურებს ნატოს წევრობასაც და ვიზალიბერალიზაციასაც, მაგრამ ეს არის პოლიტიკური პროცესი და სწორედ ამის ახსნას ვცდილობ, ეს ძალიან კარგად იცის ხელისუფლებამაც, თუმცა არ აწყობთ ამის გაგება. სხვათა შორის, რამდენიმე ხნის წინ თვითონ ნატოს წარმომადგენლებმაც თქვეს, რომ ეს სუფთა პოლიტიკური პროცესია. საქართველოზე ბევრად მძიმე მდგომარეობაში მყოფი ქვეყნები, მაგალითად, იგივე ალბანეთი, რომელიც არც დემოკრატიით და კორუფციასთან ბრძოლით საქართველოზე წინ არ არის, მიიღეს ნატოში, იმიტომ, რომ ეს იყო პოლიტიკური გადაწყვეტილება. საქართველოს ნატოში არ მიიღებენ, იმიტომ, რომ ჩვენს ტერიტორიაზე, აფხაზეთში და სამაჩაბლოში გვაქვს რუსული ბაზები. მაშინ უარი უნდა ვთქვათ სოხუმზე და სამხრეთ ოსეთზე, გავხლიჩოთ ქვეყანა და დავუთმოთ რუსეთს. სამწუხაროდ და საუბედუროდ, საქართველოში არიან ადამიანები, მით უფრო პოლიტიკოსები, რომლებიც ოღონდ თვითონ დარჩნენ ხელისუფლებაში, იყვნენ კარგად და ამ სცენარზე თანახმა არიან. მე კი ამის კატეგორიული წინააღმდეგი ვარ.

- კონკრეტულად ვის გულისხმობთ?

- ასეთი ადამიანები ხელისუფლებაშიც არიან, მაგალითად, “რესპუბლიკელები” პირდაპირ ღიად ამბობენ ამას და იგივე ალასანია. ასე რომ, არც დაუმალავთ ეს პოზიცია. ვიზალიბერალიზაციაზე მაშინვე ვამბობდი, რომ ევროპაში არსებული გამწვავებული ვითარების ფონზე, როდესაც დასავლეთი გამოსავალს ეძებს, როგორ დაარეგულიროს მიგრანტების კრიზისი, ჩვენ უვიზო მიმოსვლის იმედი არ უნდა გვქონოდა. უბრალოდ შეუძლებელია, ევროპამ დამატებითი გადაწყვეტილებები მიიღოს უკრაინასთან და საქართველოსთან მიმართებაში. მართლა არ მინდა, ნიშნის მოგებით ვილაპარაკო, მაგრამ ამ ყველაფერზე თავიდანვე ვსაუბრობდი.

- როგორია თქვენი პროგნოზი, შემოდგომაზე მაინც გვექნება ევროპასთან უვიზო მიმოსვლა?

- შეიძლება საშემოდგომოდ რაღაც ნაბიჯები გადაიდგას, იმიტომ, რომ არჩევნები მოდის და ევროკავშირმა რაღაც გადაწყვეტილება მიიღოს.

- რუსეთთან მიმართებაში ხელისუფლებამ რა პოლიტიკა უნდა გაატაროს?

- კარასინისა და აბაშიძის ფორმატი არ არის ის, რამაც შეიძლება პრობლემები მოგვიგვაროს.

- მიგაჩნიათ, რომ ქვეყნის პირველი პირები უნდა შეხვდნენ ერთმანეთს?

- კი, ასე უნდა მოხდეს, მაგრამ ჩვენ შემთხვევაში, მარგველაშვილის და პუტინის შეხვედრა, ან თუნდაც კვირიკაშვილი-პუტინის შეხვედრა ძნელად წარმომიდგენია.

- რატომ?

- ეს დასკვნა თქვენმა მკითხველმა თავად გამოიტანოს. მარგველაშვილი რომ შეხვდება პუტინს, რაზე უნდა ელაპარაკოს?

- მარგველაშვილის განცხადებით, სანამ კონფლიქტურ რეგიონებთან დაკავშირებით ნაბიჯები წინ არ გადაიდგმევა, მანამდე რუს კოლეგასთან საუბრის აზრს ვერ ხედავს.

- ანუ ჯერ პუტინმა უნდა დაგვიბრუნოს აფხაზეთი, სამხრეთ ოსეთი და მერე მოიფიქრებს მარგველაშვილი, ჩავიდეს და მადლობა უთხრას თუ არა?! ეს არანორმალური სიტუაციაა, თუ არ დაელაპარაკე, არავინ არაფერს დაგიბრუნებს.

- ანუ ფიქრობთ, რომ რუსეთთან მოლაპარაკებას აზრი აქვს და ოკუპირებულ რეგიონებთან დაკავშირებით წარმატების შანსი არის?

- დალაპარაკების შემთხვევაში შანსი რჩება, თუნდაც 1% და ეს შანსი აუცილებლად უნდა გამოვიყენოთ. ერთი რამ გავითვალისწინოთ, არდალაპარაკება აწყობს რუსეთს. სტატუსკვოს შენარჩუნება აწყობს რუსეთს. მას არავითარი ინტერესი არ აქვს, რომ შენ დაგელაპარაკოს, ეს შენი ინტერესია. რუსეთი ამ ტერიტორიებს სინით არ მოგვართმევს, მაგრამ ამ პრობლემების მოგვარების ერთადერთი შანსია მოლაპარაკება და რაც დროს გადის, ეს შანსი კიდევ უფრო მცირდება. მაგალითად, წარმოიდგინეთ, რომ ადამიანს შვილი ჰყავს ავად, იცის, რომ ძალიან მძიმედ არის, პრაქტიულად გადარჩენის შანსი არ არის, მაგრამ ექიმები ეუბნებიან, რომ თუ გაუკეთებენ ოპერაციას, გადარჩენის 1%-ს აძლევენ. წავა თუ არა ადამიანი ამ რისკზე, რა თქმა უნდა – კი.

„რეზონანსი//მთელი კვირა“, 13 ივნისი, 2016 წელი

საქართველოს ვიზალიბერალიზაციის საკითხის შეფერხება ხომ არ გააძლიერებს პრორუსულ ძალებს?

ნინო ქეთელაური

საქართველოსთვის ვიზალიბერალიზაციის საკითხზე ევროკავშირის საგარეო საქმეთა მინისტრები 20 ივნისს იმსჯელებენ – ამის შესახებ ევროკავშირის თავმჯდომარე ქვეყნის, ნიდერლანდების მიგრაციის მინისტრმა კლაას დიკჰოფმა განაცხადა. მისი თქმით, ევროკავშირის ბევრი ქვეყანა მიიჩნევს, რომ ვიზალიბერალიზაციის დაწესებამდე აუცილებელია ე.წ. შეჩერების მექანიზმის შემოღება, რომელიც საშუალებას მისცემს ევროკავშირის წევრ ქვეყნებს, საჭიროების შემთხვევაში ამა თუ იმ ქვეყანას უვიზო რეჟიმი გამარტივებული პროცედურით შეუჩერონ. კლაას დიკჰოფმა დაადასტურა, რომ ევროკავშირის რამდენიმე წევრი ქვეყანა ამ ეტაპზე საქართველოსთვის ვიზალიბერალიზაციის დაწესების წინააღმდეგია.

“ქვეყნებმა, რომლებიც ამ საკითხს ახლა არ ეთანხმებიან, განმარტეს საკუთარი პოზიცია, რისი გაცნობაც ყველას შეუძლია. რა თქმა უნდა, კითხვები დავუსვით და ვთხოვეთ პოზიციის ახსნა. ჩვენ გამოვთქვით მოსაზრება, რომ კარგია, ვიცოდეთ რაშია პრობლემა, რათა ამ პრობლემის მოგვარებაზე ვიმუშაოთ. “საქართველოსთან მიმართებაში ბევრი ქვეყანა მიიჩნევს, რომ მან ვიზალიბერალიზაცია უნდა მიიღოს, მაგრამ რამდენიმე მათგანი ასე არ ფიქრობს. ჩვენ, როგორც თავმჯდომარე ქვეყანას, მხოლოდ იმის გაკეთება შეგვიძლია, რომ დავთვალოთ, მეტია თუ არა მომხრე. თუ საკმარისი არ არის, როგორც ახლა, მაშინ მუშაობა უნდა გავაგრძელოთ”, – განაცხადა კლაას დიკჰოფმა.

როგორ ფიქრობთ, საქართველოს ვიზალიბერალიზაციის საკითხის შეფერხება ხომ არ გააძლიერებს პრორუსულ ძალებს? – ამ კითხვით “მთელმა კვირამ” საზოგადოების წარმომადგენლებს მიმართა.

მიხეილ ცაგარელი (ასტროლოგი): “ამაში გასაკვირი არაფერი იყო. მე 1 თვის წინ გამოვაცხადე, რომ იწყება ერთ-ერთი ყველაზე რთული კოსმიური ქარიშხლის პერიოდი. ყველაფერი გაიწელება, წავა უკუღმა, არანაირი მოლაპარაკებები არ გამოიღებს შედეგს, გვექნება ათასგვარი პრობლემები და დაპირისპირებები. არამარტო საქართველოს, არამედ მთელ მსოფლოს ეხება ეს. 20 ივნისიდან 20 ივლისამდე კი ბატონო, საკმაოდ კარგი პერიოდია, მაგრამ მანამადე არაფერი იქნება. თუმცა არც ეს ნიშნავს, იმას, რომ ჩვენი რუსეთისკენ გაქაჩვის პერიოდი შეიძლება იყოს, ეს ტყუილია. რუსეთთან ისედაც უნდა გვქონდეს გადასარევი ურთიერთობა. 2016 არის ის წელიწადი, რომელიც ხელს უწყობს რუსეთთან ურთიერთობის აღდგენას და ხელისუფლებამ ხელიდან არ უნდა გაუშვას ეს კოსმიური შესაძლებლობა, მერე გვიან იქნება.”

თაკო ჩარკვიანი  (პუბლიცისტი): “პრორუსულ ძალებს აუცილებლად გააძლიერებს. მე 2 თვის წინ ეთერში სრული შოკი მივიღე, როდესაც ბატონმა იური მეჩითოვმა ფიქციად გამოაცხადა საქართველოს დამოუკიდებლობა, რისი კონსტიტუციური უფლებაც არ არსებობს, ეს დასჯადია. მორალური შეურაცხყოფის გარდა, კონსტიტუციის მიხედვით, ანტისახელმწიფოებრივი განცხადებაა.

მაინტერესებს, მსგავს განცხადებებს სახელმწიფო რატომ გაატარებს ხოლმე?! ეს ეჭვს ბადებს ევროპაში. 1918 წლიდან ჩვენმა წინაპრებმა მოახერხეს და საქართველოს რუსეთთან კაპიტულანტური დოკუმენტი არ არსებობს.

შე დალოცვილო, ხურჩასთან თავზე რომ დაგახურეს სამშობლოს საზღვარი, გაბრაზდი, გამწარდი და ერთი ცოტა მკაცრი დოკუმენტი მაინც შექმენი… და რა თქმა უნდა, “რუსთავი 2″, ავანსცენაზე ურიგოდ რომ შემოიყვანეს ხალვაში, ამდენი ხანია უკიდურესად მძიმე სისხლის სამართლის საქმეები თაროებზე დევს, მითხარით, რატომ არის მისი სამართალი ასე სასწრაფოდ აღსადგენი და რიგითი მოქალაქის სამართალი თაროზე შემოდებული?! – ეს ხომ ბადებს ლეგიტიმურ ეჭვს?! ევროპისკენ ამდენი ხელის გაშვერა, ამდენი არასასურველი გამონათქვამები და მერე ეუბნები, რომ ვიზალიბერალიზაცია გინდა. არაფერიც არ გინდა და მიხვდა ამას ევროპა. მაგრამ გაცხადებულად ვერ ბედავენ თქვან, რომ არ უნდათ ევროპა, ესეც იმიტომ, რომ ჩემნაირებისგან შემდგარი არმიის ეშინიათ და ჩვენ როგორც კი დავრწმუნდებით, რომ ქვეყანას რუსეთისკენ მიაქანებენ, იცოდნენ, მთელი ქალაქი გამოვა.”

რეზო მიშველაძე (მწერალი): “უახლოეს ხანებში არავითარი ვიზალიბერალიზაცია, მაპი და ევროკავშირში შესვლა არ იქნება. ჩვენ სატყუარასავით გვცდიან – აი ახლა თუ კარაგად შეასრულებთ დავალებას, ყველაფერი კარგად იქნება. ტყუილია ეს ყველაფერი.

არავინ ინტერესდება, საქართველო როგორ ასრულებს დავალებებს. თურმე, თუ ევროპაში შეწყდება ქურდბაცაცობა, მაშინ მისცემენ საქართველოს ვიზალიბერალიზაციას. ევროპაში ქურდობა არასდროს შეწყდება, იმიტომ, რომ იქ 20 მილიონი ლტოლვილია შესული. ეს ერთი ანდაზით შეიძლება აიხსნას – “მიზეზ, მიზეზ დოს მარილი აკლიაო,” – აი ამას გვეთამაშება ევროპა.”

დოდო ხურცილავა  (ხელოვნებათმცოდნე): “რა თქმა უნდა, შესაძლებელია, რომ გააძლიეროს პრორუსული ძელები. ადამიანებს გული აეყრებათ. აქვე, 40 მეტრში არიან რუსები და ნაცვლად იმისა, რომ ევროპამ მხარდაჭერა მოგვცეს და გააძლიერონ საკუთარი პოზიციები, სანატრელი გაგვიხადეს ეს ვიზალიბერალიზაცია. ადამიანების ნაწილმა შეიძლება ეს გამოიყენოს და თქვან – აი თქვენი ევროპა, არ უნდიხართ და რა გინდათ?!”

——————–

„კვირის პალიტრა“, 13 ივნისი, 2016 წელი

ინტერვიუ მამუკა არეშიძესთან: „დასავლეთშიც არიან პოლიტიკოსები, რომლებიც ნაყიდი ჰყავს რუსეთს“ // „დიდი სიფრთხილე გვმართებს, ძალიან მძიმე არჩევნები გველის»

ნათია დოლიძე

10 ივნისს საქართველოსთვის უვიზო რეჟიმის შემოღების თაობაზე ამჯერად ევროკავშირის შინაგან საქმეთა მინისტრები ვერ შეთანხმდნენ. სხდომაზე ევროკავშირის თავმჯდომარე ქვეყნის, ნიდერლანდების მიგრაციის მინისტრმა კლაას დიკჰოფმა განაცხადა, რომ ევროკავშირი აღიარებს საქართველოს პროგრესს ვიზალიბერალიზაციის დაწესების გზაზე, თუმცა მნიშვნელოვნად მიიჩნევს ე.წ. შეჩერების მექანიზმის შემოღებას, რომელიც საშუალებას მისცემს ევროკავშირის წევრ ქვეყნებს, საჭიროების შემთხვევაში ამა თუ იმ ქვეყანას უვიზო რეჟიმი გამარტივებული პროცედურით შეუჩეროს. რამდენიმე დღის წინ საქართველოს ვიზალიბერალიზაციის პროცესს გამოეხმაურა საქართველოში ამერიკის სავაჭრო პალატის პრეზიდენტი სარა უილიამსონი.

“ევროკავშირს უნდა რცხვენოდეს საკუთარი თავის, მაგრამ არა იმდენად, როგორც იმ ქართულ, სავარაუდოდ, პროდასავლურ ოპოზიციურ პარტიებს, რომლებიც ლობირებდნენ საკუთარი ქვეყნისთვის ვიზალიბერალიზაციის პროცესის წინააღმდეგ საკუთარი პოლიტიკური ინტერესების გათვალისწინებით. ეს არ არის მოქალაქეობრივი ან პატრიოტული საქციელი. ეს ნარცისიზმი და გულისამრევი ქმედებაა,” – დაწერა სარა უილიამსონმა სოციალურ ქსელში. საქართველოსთვის ვიზალიბერალიზაციის საკითხზე 20 ივნისს უკვე ევროკავშირის საგარეო საქმეთა მინისტრები იმსჯელებენ.

ინტერვიუ ექსპერტ მამუკა არეშიძესთან სწორედ ამ საკითხით დავიწყეთ.

- თქვენი აზრით, საფუძვლიანია ის მიზეზები, რასაც გერმანია და საფრანგეთი საქართველოსთვის ვიზალიბერალიზაციის მინიჭების საწინააღმდეგოდ ასახელებენ?

- ევროკავშირის რიგი ქვეყნების ეს გადაწყვეტილებები რამდენიმე მნიშვნელოვანი ფაქტორითაა განპირობებული. უპირველესად, უნდა აღვნიშნოთ საემიგრაციო პოლიტიკის თვალსაზრისით ურთულესი ვითარება, რასაც ევროპა ჯერჯერობით ვერ უმკლავდება. ამ მიმართულებით განსაკუთრებით მძიმე სიტუაცია სწორედ გერმანიასა და საფრანგეთშია. მეორე ფაქტორია რუსეთის პოლიტიკა, რომელიც ცდილობს, საქართველოს დასავლეთისკენ სვლა შეფერხდეს და გაიწელოს. კარგად იციან, რომ გაწელილი პროცესი უარყოფით გავლენას ახდენს ჩვენს საზოგადოებაზე და მას დასავლეთისადმი ანტაგონისტურად განაწყობს. სწორედ ამის მიღწევას ცდილობს კრემლი, რომელსაც დიდი გავლენა აქვს როგორც დასავლეთის პოლიტიკურ, ასევე მედიაისტებლიშმენტის ნაწილზე. კარგად შეუძლია მათზე ზემოქმედება, რომ ეს პროცესები დამუხრუჭდეს.

რუსეთის დიდი გავლენა, თუნდაც გერმანულ მედიაზე, გამოჩნდა იმითაც, რომ ბოლო ხანს პირდაპირ სკანდალად იქცა იქაურ მედიასივრცეში ქართველი კრიმინალების თემა. ისე წარმოაჩენენ, თითქოს ქართველებმა შეჭამეს გერმანია. არადა, ეს ყველაფერი თითიდანაა გამოწოვილი. თვითონ გერმანელების ოფიციალური ინფორმაციით, მიგრანტთა ჩადენილი დანაშაულების მიხედვით საქართველო ბოლო ადგილზეა. ვინც საქმეშია ჩახედული, კარგად იცის, რომ ხორვატ, ალბანელ და რუმინელ კრიმინალებთან ქართველები ახლოსაც ვერ მივლენ. საქართველოდან ჩასულები, ძირითადად, წვრილმან ქურდობას ეწევიან, ზემოთ ჩამოთვლილი ქვეყნების წარმომადგენლები კი ორგანიზებულ დანაშაულში არიან ჩართული და მილიარდები გააქვთ გერმანიიდან. თუ დავეყრდნობით საქართველოში ამერიკის სავაჭრო პალატის პრეზიდენტ სარა უილიამსონის ნათქვამს, მესამე ფაქტორად, შესაძლოა, მივიჩნიოთ “ნაციონალური მოძრაობის” ზოგიერთი წევრის ქვეყნის დამაზარალებელი მოქმედება. ისინი ყველაფერს აკეთებენ, რათა საქართველომ ვიზალიბერალიზაცია არ მიიღოს ამ ხელისუფლების პირობებში. კიდევ შეიძლება იყოს სხვა წვრილ-წვრილი ფაქტორებიც, მაგრამ ეს სამი ძირითადია.

- შესაძლებელი იყო თუ არა, რომ ჩვენს ხელისუფლებას უფრო ეფექტიანად ემოქმედა და შედეგიც სხვა ყოფილიყო?

- არა, უკვე ჩამოვთვალე ვიზალიბერალიზაციის ხელისშემშლელი ფაქტორები. ხელისუფლებას რაც უნდა მოემოქმედა, თუ ეს ფაქტორები მძლავრად არის ამუშავებული, მათთან გამკლავება წარმოუდგენელია. საქართველომ კი არა, ამხელა უკრაინამ და თურქეთმა ვერაფერი შეძლეს. ჩვენთვის ვიზალიბერალიზაციაზე ლაპარაკი ახალი ამბავია, თურქეთისთვის კი ეს წლებია გრძელ­დება. ვიღაცას უნდა, საქართველოს ხელისუფლებას გადააბრალოს ეს და ლამის “რუსთავი-2″-ს დაუკავშიროს, რაც სისულელეა. მეც შემიძლია ვთქვა, რომ ზოგიერთი მიმართულებით, მაგალითად, ე.წ. ბორდერიზაციის წინააღმდეგ უფრო მკაფიო უნდა იყოს ქართული დიპლომატია, მაგრამ ვიზალიბერალიზაცია სხვა შემთხვევაა.

- ჩვენში ბევრი მიიჩნევს, რომ საქართველოსთვის ვიზალიბერალიზაციის გადადება რუსეთს უფრო გაააქტიურებს, რის ნიშნებიც აშკარად ჩანს კიდეც. ქვეყანაში მკვეთრად მოიმატა რუსულმა პროპაგანდამ, ასევე გახშირდა ე.წ. ადმინისტრაციული საზღვრის გადმოწევისა და მიმდებარე ტერიტორიიდან ადამიანების გატაცების ფაქტები…

- ჩვენ ერთ თვისებას ვართ მოკლებული: გვერდიდან მოვლენების დანახვა არ შეგვიძლია და ამაში მედიაც სცოდავს. გლობალური პოლიტიკის კონტექსტიდან რომ შევხედოთ საქართველოში მიმდინარე მოვლენებს, დავინახავთ, რომ რაც უფრო აქტიურობს საქართველო ევროკავშირისა და ნატოს მიმართულებით, მით მეტად აქტიურობს რუსეთი ჩვენს წინააღმდეგ. ივლისში დაგეგმილია ნატოს სამიტი. საქართველოს თავდაცვის მინისტრმა აშშ-ში ყოფნისას გააკეთა ძალიან საინტერესო განცხადებები, რასაც კრემლი საფრთხედ აღიქვამს. თქვენი აზრით, რუსეთი ამ დროს გაჩერდება? ე.წ. ბორდერიზაცია არის მისი კონტრმოქმედებების ერთი ნაწილი. რუსეთის პოზიციიდან ჩვენ ვიქცევით ძალიან ცუდად, რადგან გვინდა, ნატო შემოვიყვანოთ საქართველოში.

პოლონეთში დაგეგმილ საერთაშორისო სწავლება ANAKONDA-16-ში ნატოს წევრი სახელმწიფოების სამხედროებთან ერთად მონაწილეობა არ მიიღეს ქართველმა სამხედროებმა. ეს, ჩემი აზრით, იმაზეც მიუთითებს, რომ ჩვენი პარტნიორები ბრიუსელში მიხვდნენ, ამის საპასუხოდ რუსეთი საქართველოს ტერიტორიაზე შესაძლოა, უფრო გააქტიურებულიყო და ამას მოერიდნენ. ნატოში ამას ხშირად გვეუბნებიან, მაგრამ არ შეიძლება, ამის გამო დასავლეთზე ვიყო ნაწყენი და ვექტორის შეცვლაზე დავიწყოთ ფიქრი. ჩვენ უნდა გავაგრძელოთ გზა, რომელზეც მივდივართ და გვქონდეს მანევრისთვის რაც შეიძლება დიდი სივრცე. უნდა გვქონდეს დიალოგი როგორც დასავლეთთან, ასევე რუსეთთან და რეგიონში სხვა მეზობლებთან, და, რაც მთავარია, ჩვენი პრინციპები უნდა იყოს ურყევი. არ შეიძლება, ლერწამივით, სიტუაციის მიხედვით, აქეთ-იქით გადავიხაროთ. ვერავინ მოახერხებს საქართველოს მოსახლეობის დარწმუნებას, რომ დასავლეთში საქართველოს მიმართ ინტერესი გაქრა, მაგრამ იქაც არიან პოლიტიკოსები, რომლებიც ნაყიდი ჰყავს რუსეთს… რუსეთშიც არიან პოლიტიკოსები, რომლებიც ამერიკული ფულით არიან ნაყიდი. მოკლედ, მიდის გეოპოლიტიკური ბრძოლა, რომელსაც უნდა დავაკვირდეთ და კარგად გავაანალიზოთ ეს მოვლენები.

- რაც უფრო ახლოვდება არჩევნები, მით უფრო ხშირად ვხდებით ხელჩართული დაპირისპირებების მოწმე, უკვე პირდაპირ ეთერშიც. თქვენი აზრით, ეს პროცესი შესაძლოა უფრო გამძაფრდეს?

- სამწუხაროდ, ჩვენ უკვე ამ დაპირისპირებების პირობებში, როგორც ფიგურალური, ასევე პირდაპირი მნიშვნელობით, ვცხოვრობთ. დარწმუნებული ვარ, რომ ეს პროცესი უფრო გახურდება, მით უფრო, რომ პოლიტიკური სივრცე მკაფიოდ არ არის გაყოფილი. პოლიტიკური ასპარეზი გადაძეძგილია პარტიებით და სულ ცოტა, შვიდ-რვა პარტიას აქვს პარლამენტში მოხვედრის შანსი. მოკლედ, უამრავ ჯგუფად დაყოფილ პოლიტიკურ სივრცეში, მით უფრო, ასეთი დაბალი პოლიტიკური კულტურის პირობებში, დაძაბულობა და დაპირისპირება არ უნდა გაგვიკვირდეს. თუმცა, ყველას შევახსენებ, რომ ჩვენი მეზობლები მაქსიმალურად ცდილობენ ამღვრეულ წყალში თევზის დაჭერას, ამიტომაც დიდი სიფრთხილე გვმართებს. ძალიან მძიმე არჩევნები გველის. სამწუხაროდ, ასეთი დაპირისპირებები და ცემა-ტყეპაც ალბათ ბევრი იქნება.

- პოლიტიკური დაპირისპირების ერთ-ერთ მთავარ თემად ტელეკომპანია “რუსთავი 2″-ია ქცეული, რომლის თაობაზეც სააპელაციო სასამართლომ გადაწყვეტილება უკვე მიიღო და პირველი ინსტანციის ვერდიქტი ძალაში დატოვა. ეს კი ნიშნავს, რომ ქონებრივ დავას ჯერჯერობით ქიბარ ხალვაში იგებს…

- თუ ვინმეს აზიანებს აჟიოტაჟი, რაც ამ ტელეკომპანიის გარშემოა ატეხილი, სწორედ ხელისუფლებას. ამას წინათ ეს თქვა კახა კალაძემ, რასაც ძნელია, არ დაეთანხმო. დიახ, ეს პროცესი ხელისუფლების იმიჯზე უარყოფითად მოქმედებს, განსაკუთრებით – ქვეყნის ფარგლებს გარეთ. რომ გითხრათ, საქართველოს შიგნით ამას ხალხი მაინცდამაინც ყურადღებას აქცევს-მეთქი, მოგატყუებთ. არის ადამიანთა წრე, რომელიც ჩართულია ამ პროცესში და თანაუგრძნობს ტელეკომპანიის ხელმძღვანელობას, დანარჩენებისთვის ეს ტელევიზია არის ნეიტრალური მედიასივრცე, ანუ, ის მხოლოდ სერიალებისთვის სჭირდებათ. არის კიდევ ერთი ნაწილი, რომელიც დარწმუნებულია, რომ სწორედ ქიბარ ხალვაშის ხელში უნდა აღმოჩნდეს ტელეკომპანია და რომ მისი მიკერძოებულობა ვნებს ქვეყანას. ეს განწყობა მხოლოდ და მხოლოდ “რუსთავი 2″-ის ხელმძღვანელების ბრალია. მე, მაგალითად, არ მომწონს, რაც “რუსთავი 2″-ის გარშემო ხდება, მაგრამ როდესაც გვარამია ლაპარაკობს ამაზე, თავს ვერ ვაიძულებ, ტელეკომპანიას მხარი დავუჭირო, რადგან მახსენდება, რას ამბობდა იგი “იმედის” შემთხვევაში… ჩემ გარდა უამრავი ადამიანია, ვინც ასე ფიქრობს. გარდა ამისა, გვარამია ისეთ რამეებს ლაპარაკობს სასამართლოზე, გაოგნდები კაცი. 2012 წლამდე, როდესაც ქვეყანაში სამართლის პოვნა წარმოუდგენელი იყო, ამის ნახევარსაც არავინ ამბობდა, თუმცა ამაზეც “ნაციონალების” მიერ კონტროლირებადი მედია საშინელ ამბავს ტეხდა – არიქა, სასამართლოს საქმიანობაში ერევიანო!… არადა, გვარამია გაგაოცებს, ისეთ რამეებს ამბობს სასამართლო დარბაზში, აღარაფერს ვამბობ სოციალური ქსელითა და ტელევიზიის ეთერით ლაპარაკზე. გვარამიამ იმდენი ქნა, რომ იან კელიმ, რომელიც მოუწოდებს ხელისუფლებას, რომ რაც ხდება, ამის გაკეთება არ შეიძლება, პირდაპირ თქვა, გვარამიასა და “რუსთავი 2″-ის ქცევა სასამართლოზე ზეწოლააო. მან ორივე მხარეს მისცა შენიშვნა. რამდენად არის ეს მისი საქმე, ეს მეორე საკითხია, მაგრამ ფაქტია, გვარამიამ კელიც გააოცა… ცუდი ამბავი ხდება “რუსთავი 2″- თან დაკავშირებით, მაგრამ ამის ავტორია “ნაციონალური მოძრაობის” ის გუნდი, რომელიც 2005 წლიდან მოყოლებული, აკონტროლებდა მედიასივრცეს და ახლაც არ აპირებს ამაზე ხელის აღებას…

- როგორ ფიქრობთ, მოახერხებს “ნაციონალური მოძრაობა” ამ თემით იმგვარად მანიპულირებას, რომ ქვეყანაში რეალური არეულობის საფრთხე შეიქმნას?

- ჯერჯერობით მოახერხა ის, რომ ამ თემით ქვეყნის წინაშე მდგარი უამრავი უმნიშვნელოვანესი საკითხი გადაფარა. ბოლო თვეების განმავლობაში გაირკვა, რომ საქართველოს საგანმანათლებლო სისტემა თავზე დაგვემხო, მაგრამ ჩვენ ეს არ გვანაღვლებს, სამაგიეროდ, ვმსჯე­ლობთ “რუსთავი 2″-ზე, იმაზე, ვინ რა პარტია შექმნა, ვინ სად წავიდა და ათას სხვა უმნიშვნელო თემაზე… არადა, ისეთ ვითარებაშია საგანმანათლებლო სისტემა, მალე ყველა პარტია უკან დაგვრჩება. ასეთი რამ აქამდე არ ხდებოდა – გამოცდებზე იჭრება უამრავი მასწავლებელიც და მოსწავლეც. სირცხვილია, ეს კატასტროფაა. ისეთი შთაბეჭდილება მრჩება, რომ აქამდე ამ საქმეს პატრონი არ ჰყავდა. ახალი მინისტრი რას იზამს, არ ვიცი… ჩვენ ვდგავართ ეროვნული კატასტროფის საფრთხის წინაშე, თუმცა ამისთვის არ გვცალია… გარდა ამისა, “რუსთავი 2″ არის ერთი პარტიის ტელევიზია, სირცხვილია მის დამოუკიდებლობაზე ლაპარაკი. კი ბატონო, ეს არის მაღალპროფესიული ტელევიზია, მაგრამ არამც და არამც – დამოუკიდებელი!

- ბოლო ხანს ჩვენში განხილვის თემად იქცა ყოფილი პრემიერის, ბიძინა ივანიშვილის პოლიტიკურ სივრცეში გააქტიურება. მის მიერ გამოქვეყნებულ წერილს მოჰყვა სკანდალური ინტერვიუ და პრესკონფერენცია ტელევიზიის წარმომადგენლებთან… ბევრი ელოდა, რომ მისი განცხადებები ბევრ რამეს მოჰფენდა ნათელს. გამართლდა, თქვენი აზრით, ეს მოლოდინი?

- გამიჭირდება საზოგადოების სახელით ლაპარაკი. ჩემთვის მისი წერილი ერთი რამით იყო საინტერესო: მან ხაზგასმით აღნიშნა, რომ პასუხისმგებლობას როგორც მიმდინარე მოვლენებზე, ასევე მომავალზე, საკუთარ თავზე იღებს… ეს გაუთავებელი ლაპარაკი, რომ ივანიშვილი კულუარებიდან მართავს ქვეყანას, უნდა დასრულდეს…

- თუმცა, რთული სათქმელია, როგორ დასრულდება, როდესაც, ერთი მხრივ ჟურნალისტის კითხვაზე, რა სტატუსი აქვს? პასუხად ის ამბობს, რომ ქვეყნის რიგითი მოქალაქეა, მეორე მხრივ კი მიმდინარე პროცესებზე პასუხისმგებლობას იღებს…

- თვითონ ივანიშვილის განცხადებაა არასწორი, თორემ მოქმედება გამართლებულია. როდესაც მას ეკითხებიან სტატუსს, ის უნდა პასუხობდეს, რომ ის “ქართული ოცნების” დამფუძნებელია. მას არა აქვს დიდი პოლიტიკური გამოცდილება და ამის ბრალია ეს კაზუსები. მთავარია, რომ ის პასუხისმგებლობას იღებს ამ მოვლენებზე, როგორც “ქართული ოცნების” დამფუძნებელი, რომელიც, სხვა დამფუძნებლებთან შედარებით, უფრო გავლენიანია. ამ თემას მიზანმიმართულად, ხელოვნურად ატივტივებენ საინფორმაციო სივრცის ზედაპირზე, არადა, უფრო მნიშვნელოვანი პრობლემები გვაქვს. განათლებაზე უკვე ვთქვი; მშენებლობებზეც გეტყვით – რაც ახლა თბილისში ხდება, აჩვენებს, რომ ქალაქს მერია კი არა, მტრები ჰყავს. ჩემთვის უინტერესოა, ვინ საიდან მართავს ქვეყანას, მთავარია ამ მართვის შედეგი, რაც აშკარად ჩანს… ფაქტია, წინსვლაა ჯანდაცვასა და სოციალურ სფეროში, ასევე – საინვესტიციო მიმართულებით და ა.შ. თუმცა პრობლემებია სამართლიანობის აღდგენის კუთხით, ნელა ვითარდება ეკონომიკა, მაგრამ მცირე ძვრაა კონფლიქტების მიმართულებით… ამ რამდენიმე დღის წინ მომადგა ერთ-ერთი აფხაზი საველე მეთაური, რომელიც ჩვენ გვებრძოდა და მთხოვა, C ჰეპატიტის პროგრამაში მოხვედრაში დავხმარებოდი. არ დაგავიწყდეთ, თან მომადგა თბილისში! რაც უნდა ილაპარაკონ აფხაზეთის დე ფაქტო მთავრობაში, ფაქტია, რომ აფხაზები აქ ჯგუფ-ჯგუფად დადიან და სამედიცინო დახმარებასაც იღებენ. აფხაზები ისე ელოდებიან, როდის ამუშავდება რუხში საავადმყოფო, თითქოს ქართველებთან არანაირი პრობლემა არ ჰქონდეთ..

- ერთია ადამიანურ დონეზე მოგვარებული პრობლემები, მაგრამ მათი პოლიტიკურ ჭრილში გადაყვანა განა შესაძლებლად მიგაჩნიათ?

- თუ მოახერხებ, ამ ადამიანურ ურთიერთობებს პოლიტიკურ ჭრილში გადაიტან და ამით რეალურ შედეგს მიიღებ, ეს დიპლომატიის ხელოვნებაა. თავის დროზე ეს მოახერხა გერმანიაში ადენაუერმა. მილიონობით ადამიანი გაუწყვიტეს რუსებმა და გერმანელებმა ერთმანეთს, მაგრამ ადენაუერი პირველი ჩავიდა მოსკოვში და მოითხოვა ურთიერთობის აღდგენა, მისი დაწყებული საქმე კი გერმანიის გაერთიანებით დასრულდა. ასე უნდა მოქმედება! შევძლებთ თუ არა ამას, არ ვიცი, ეს დამოკიდებულია პერსონებზე, ქართული დიპლომატიის წარმომადგენლებზე.

„კვირის პალიტრა“, 13 ივნისი, 2016 წელი

ინტერვიუ ირაკლი ალასანიასთან: „ბიზნესმენებს ოპოზიციის დაფინანსების არ უნდა ეშინოდეთ» // „საქართველო ვიზალიბერალიზაციას იმსა­ხურებს, მაქსიმუმი გაკეთდა მის მისაღებად და სკეპტიკურად განწყობილი მხარეები ამაში უნდა დავარწმუნო»

რუსუდან შელია

ფიქრობს, რომ საქართველომ ყველა პი­რ­­­ობა დააკმაყოფილა და ვიზალი­ბერალ­ი­ზაციის მიღებასაც იმსახურებს,­ თუმცა პროცესის გაჭიანურებას ევროპის წინაშე არსებულ გამოწვევებს უკავშ­ირებს. შეძლებს­ თუ არა ქვეყანა დემოკრატიული ტესტის ჩაბარებას და როგორ განვითარდება მოვლენები წინასაარჩევნოდ, “კვირის პალიტრასთან” პარტია “თავისუფალი დემოკრატების” ლიდერი ირაკლი ალასანია საუბრობს:

- ჩვენი პარტიის წევრი ვიქტორ დოლიძე ცოტა ხნის წინ დაბრუნდა ევროპიდან,­ სადაც გადაწყვეტილების მიმღებ პირებს შეხვდა. დღეს საქართველო ვიზალ­იბერ­ალ­იზაციას იმსახურებს, აბსოლუტურად ყველა კრიტერიუმი დაკმაყოფილებულია, თუმცა ევროპის გადაწყვეტილება ამ ეტაპზე­ მიგრაციისა და ორგანიზებული დანაშაულის დარეგულირებაზეა დამო­კიდებული. ეს საკითხი რამდენიმე თვეში დადებითად გადაწყდება, ამაზე ევროპაშიც არავინ დაობს.

- თქვენ არ იზიარებთ “ნაციონალური­ მოძრა­ობის” განცხადებებს, რომ ვიზალიბერალ­იზაციის მისაღებად ხელისუფლებამ არაკომპეტენტურად იმუშავა და პროცესზე გავლენა­ შიდა პროცესებმაც იქონია?

- ეს ის საკითხია, რომელზეც ყველას ერთი მთავარი მიზანი უნდა ამოძრავებდეს.­ საქართველო ვიზალიბერალიზაციას იმსა­ხურებს, მაქსიმუმი გაკეთდა მის მისაღებად და სკეპტიკურად განწყობილი მხარეები ჩვენს პოზიციებში უნდა დავარწმუნოთ. ვიზალიბერალიზაციის საკითხი ქვეყნის შიდა მოვლენებთან მიბმული ნამდვილად არ გახლავთ, თუმცა აუცილებელია, არჩევნები­ სამა­რთლიანად, ხარვეზების გარეშე­ წარიმართ­ოს. წინააღმდეგ შემთხვევაში კატასტროფ­ულ­ შედეგს მივიღებთ და ეს ევროინტეგ­რაციის პროცესზეც პირდაპირპროპორცი­ულად იმოქმედებს. ევროპა აკვირდება, რა განაჩენი დადგა ე.წ. კაბელების, ასევე “რუსთა­ვი 2″-ის საქმეებზე და კითხვის ნიშნებიც­ უჩნდება. 2012 წელს ხელისუფლების არჩე­ვნე­ბის გზით გადაბარების სტანდ­არტი და­ვამკვიდ­რეთ, ახლა ამ სტანდარტის­ უფრო დიდ სიმაღლეზე­ აყვანაა აუცილებელი – მსოფლიოს უნდა ვაჩვენოთ, რომ დემოკრატიული­ საზოგადოება ვართ. ამაზე პასუხისმგებე­ლი კი, პირველ რიგში, კვი­რიკაშვილია და არა ივანიშვილი­ ან კალაძე.

- პრემიერს რა ზომების გატარებისკენ­ მოუწოდებთ?

- კორცხელის ინციდენტი ქვეყნისთვის­ დიდი დარტყმა აღმოჩნდა. ორგანიზატ­ორები მკაცრად უნდა დაისაჯონ. ვიცი, გიორგი კვირიკაშვილს სურს, ყველა პარტიამ წინასაარჩევნო კამპანია მშვიდობიან გარემოში­ ჩაატაროს, თუმცა კონკრეტული ნაბიჯების­ გადადგმის დროც დადგა – უნდა შეიქ­მნას ჯგუფი, რომელიც არჩევნებში უში­შრ­ო­ებისა და სამართალდამცავების უხეშ­ად ჩარევის შესაძ­ლებლობას გამორიცხავს.­ ამასთან, ბიზნესმენებს არ უნდა ეშინოდეთ ოპოზიციური ძალ­ების დაფინ­ანსებისა, თუ სიმპათია აქვთ, კონტრიბუციის შესაძლებლობა უნდა მიეცეთ.

- დაასახელეთ მაგალითი, რომელი ბიზნე­სმენი ვერ აფინანსებს ოპოზიციურ პარტ­იას ხელისუფლების წნეხის გამო?

- ბიზნესმენებს ეს შიში სააკაშვილის­ მმართველობიდან ინერციით მოჰყ­ვებათ, ბიზნესში კი მსგავსი თავისუ­ფალი გარ­ემო არასდროს ყოფილა­. აუცილებელია, კვირიკაშვილმა საჯაროდ დააფიქსიროს, რომ ბიზნ­ესმენებს არავინ გაუსწორდება ოპოზიციური პარტიების დაფინანსებისთვის, ეს ბიზნესს გადაწყვეტილების მიღებას გაუადვილებს.

- თქვენ პროკურატურასთან გამართული აქციის შემდეგ მორიგ აქციას 16 ივნისს აან­ო­ნსებთ. ქუჩაში გამოსვლებით შედეგს მიაღწევთ?

- ციხეში უდანაშაულოების ყოფნა საზოგადოების შეურაცხყოფაა. 16 ივნისს ადვოკატები სარჩელს სააპელაციო სასამ­ართლოში შეიტანენ, საზოგადოების მხა­რ­­დაჭერა აუცილებელია! შემდეგ რეგიონ­ებში გადავინაცვლებთ და ხელმოწერ­ებს შევ­აგროვებთ, რომ პრეზიდენტმა­ პოლ­ი­ტიკური­ ნიშნით დაკავებულები­ გაათავის­უ­ფლოს. დარწმუნებული ვარ, ასიათასობით ქართველი პოზიციას დააფიქსირებს­ და პრეზიდენტიც დისკრეციას გამოიყენებს.­

- გაქვთ რესურსი, რომ საზოგადოებრივი­ პროტესტის ქუჩაში აკუმულირება უზრუნველყოთ?­

- თუ ყველანი ხელს არ გავანძრევთ,­ სრულ სტაგნაციამდე მივალთ. “ქართული ოცნების” ლიდერები საზოგადოებას ურც­ხვად არწმუნებენ, რომ ქარხნები შენდება, შემოსავლები გაიზარდა, დაუსაქმებელთა­ რიცხვი მცირდება, თუმცა მოსახლეობის რეალური ყოფა რადიკალურად განს­ხვ­ავდება. დიდი ნაწილი დაუსაქმებელია­ და პერსპექტივის განცდაც აღარ აქვს. ამიტომ სურთ ტელევიზიების ჩახშობა, მაგრამ 21-ე საუკუნის საქართველოში დიქტატურა და ავტოკრატია აღარ დამყარდება. დღეს ივანიშვილი, ისევე როგორც სააკაშვილი, წარსულია, 8 ოქტომბრიდან ქვეყანას ეკონომიკური კრიზისიდან ჩვენი სწორი პოლიტიკით ამოვიყვანთ.

- თქვენი პარტიისადმი საზოგადოების მხარდაჭერა რომ შევაფასოთ, პარლამენტში უმრავლესობით მოსვლა როგორ წარმოგიდგენიათ? მით უმეტეს, კონკურენტები გამოგიჩნდნენ პაატა ბურჭულაძისა და “ნაციონალური მოძრაობიდან” წამოსული ლიდერების სახით...

- ვნახავთ, ხალხი მხარს ვის დაუჭერს. ჩვენ ყველა ძალასთან ვითანამშრომლებთ ვინც ეკონომიკურ გაძლიერებაზე იქნება ორიენტირებული. ვფიქრობ, მომავალ პარლამენტში პარტიებს მთავრობის შექმნაზე შეთანხმების მიღწევა მოგვიწევს.

- დაბოლოს, ქართულმა ასეულმა პოლონეთში “ანაკონდა 16″-ის წვრთნებში მონაწილ­ეობა ვერ მიიღო, თავდაცვის მინისტრის განცხადებით,­ მიზეზი ჩუტყვავილა გახდა, რომელიც ორ სამხედროს აღმოაჩნდა. პარალელურად, ვრცელდება ხმები, რომ ქართველები წვრთნაზე არ დაუშვეს…

- სამწუხაროა, რომ მონაწილეობა ვერ მივიღეთ, თუმცა თავდაცვის მინისტრის განმარტებაში ეჭვის შეტანის საფუძველი არ გამაჩნია. ეს ფაქტი ნატოში ინტეგრაც­იას ხელს არ შეუშლის, თანაც, მომავალში არაერთი სამხედრო წვრთნა გველოდება.­ არ უნდა შევქმნათ განწყობა, თითქოს ამ ფაქტის გამო რაღაც ფატალური მოხდა, პირიქით, ჯარის მომავალზე უნდა ვიფიქროთ.

„კვირის პალიტრა“, 13 ივნისი, 2016 წელი

ინტერვიუ კახა კალაძესთან: „ბიძინა ივანიშვილის გააქტიურება გადამწყვეტი ფაქტორი იქნება“ // „ვიზალიბერალიზაციას აუცილებლად მივიღებთ, შეფერხებაზე საუბარი კი ამ პროცესის შემადგენელი რგოლია“

რუსუდან შელია

კორცხელის ინციდენტში საპარლამენტო­ ოპოზიციის ბრალდებებს “ქართულმა ოცნებამ” საარჩევნო შტაბის ხელმძღვანელად კახა კალაძის დანიშვნით უპასუხა. რამდ­ე­ნ­ად კარგი “კაპიტანი” იქნება ყოფილი ფეხბურთე­ლი პარტიისთვის, ამას არჩევნ­ების შედეგები გამოავლენს, მანამდე კი კითხვებს: ვის ვიხილავთ საარჩევნო სიაში და როდის­ წარუდგენს მას მმართველი პარტია საზოგა­დოებას? რა კავშირი ჰქონდა კორცხელის ინციდენტთან? – ვიცე-პრემიერი კახა კალაძე პასუხობს.

- საარჩევნო კამპანია დაიწყო, ოპოზი­ც­იამ­ რამდენიმე მაჟორიტარი კანდიდატი უკვე წა­რადგინა, “ქართული ოცნების” სიაზე­ კი მხო­ლოდ ის არის ცნობილი,­ რომ მასში გიორგი კვირიკაშვილი და დიდი ალბათ­ობით, მანანა კობახიძე იქნ­ებიან. ამომრჩევლებისთვის კანდ­იდატების წარდგენას ხომ არ აგვიანებთ?

- პარტია ემზადება ისე, როგორც საჭიროა. ვეცდებით ამომრჩეველს გასაგებად­ ჩავაბაროთ ამ ოთხი წლის ანგარიში, პარა­ლელ­ურად, მომავალი ოთხი წლის რეალურ საფუძველზე აწყობილი სამომავლო გეგმაც გავაცნოთ და არა ფურცელზე დაწერილი დაპირებები, რასაც ჩვენი წინამორბედების დამსახურებით, ხალხი უნდობლად ხვდება. მხოლოდ დასაბუთებული პროგრამა გვექნება შემდგომი წლების შესახებ. რაც შეეხება­ სიას, საარჩევნო კამპანიისთვის დიდი დროა გამოყოფილი. ასე რომ, არც სიის დამუშავებას ვჩქარობთ, არც პრეზენტაციას.

- ითქვა, რომ საარჩევნო სიის სამეულში­ თქვენც განიხილებით. რა პრინციპით შეარჩევთ დანარჩენ წევრებს და ხედავს თუ არა გუნდი პარტიის განახლების აუცილებლობას?

- ცხადია, განახლება საჭიროა, 2012 წელს გუნდი სულ სხვა პოლიტიკურ რეალ­ობაში შეიქმნა, ამჟამად განსხვავებული გამოწვევებია როგორც პარტიის, ისე ქვეყნ­ის წინაშე. მოსახლეობასაც სხვა მოლოდინი აქვს, ამიტომ ცვლილებები ლოგიკურია და გადაადგილებებიც პრიორიტეტების გათვალისწინებით მოხდება. პირველ რიგში, პოლიტიკურად ეფექტიან გუნდზე­ ვზრუნავთ.

- საარჩევნო გარემოს სამართლიანობაზე თუ იზრუნებთ? ეუთოს ანგარიშში ხაზგასმით არის მითითებული ამომრჩეველზე შესაძლო­ ზე­წ­ოლაზე და საარჩევნო კანონმდებლობაზე,­ რომ­ელიც საერთაშორისო ორგანიზაციებისა და ოპოზიციის მოთხო­ვნების მიუხედავად, ხელისუფ­ლებამ არ შეცვალა...

- ეუთოს მისიასთან აქტიურად ვთან­ამშრომლობთ, მათ პრემიერმაც სთხოვა, არჩევნებზე დამკვირვებლების რაოდენობა მაქსიმალურად გაზარდონ. საქართველოში­ 26-29 აპრილს საჭიროების შემფასებელი მისია­ იმყოფებოდა, რათა წინასაარჩევნო გარემოს შესწავლის შედეგად გაეწია რეკ­ომ­ენდაცია ODIHR-ისთვის… გაიმ­ართა შეხვედ­რები პარტიებთან, მედიასთან, არასამთავრობო სექ­ტორსა და სახელმწიფო უწყებებთან. ანგ­არიში მრავალფეროვანია­ და ამასთან, ასახავს პროცესების ხედ­ვას­ ოპოზიციური პარტიების რაკურსიდან. მაგ­ალითად, “ნაციონალურმა მოძრაობამ” რა ნეგატიური ინფორმაცია მიაწოდა მისიას,­ ამ ნაწილის ტირაჟირ­ებას ახდენენ… ანგ­არიშში დადებით­ ტენდენციებზეც არის საუბარი. მაგალითად,­ საკონსტიტუციო სასა­მართლოს გადაწყვეტილების შესაბამისად, მაჟორიტარული ოლ­ქების ცვლილება მოხდა, დიდწილად დაკმაყოფილდა არჩევითობის თანასწორობის პრინციპიც, გაიზარდა პარტიებისათვის­ გამოყოფილი საეთერო დრო და ფინანსური­ სანქციებიც დაკონკრეტდა. საარჩევნო კამპანიასთან, მედიასა და დაფინანსებასთან დაკავშირებით, დანარჩენი რეკომენდაციები ჯერ არ შესრულებულა,­ თუმცა პროცესში ვართ.

- სპორტსმენების­ “საა­რჩევნო ვოიაჟი” კითხვის ნიშნებს არ აჩენს?

- საარჩევნო კამპანიის პროცესში უსაფრთხოების სამსახურის ჩარ­ევის, დაშინებისა და ადმინი­სტრაციული რესურსების გამოყენების საშიშროების ვარაუდი გამოითქვა არა შემფა­სებელი მისიის, არამედ პოლიტიკური პარტიების მხრიდან. ოპოზიცია­ ეუთოს ანგარიშიდან იმ ეპიზოდებს იყენ­ებს, სადაც მათივე განწყობაა ასახული…

- კორცხელის ინციდენტზე პასუხისმგებ­ლობას თუ გრძნობთ, თუნდაც ბიძინა ივანიშვილის განცხადების შემდეგ, რომელიც პასუხისმგებლობას ხელისუფლებას აკისრებს?

- ცხადია, ხელისუფლების პასუხისმგებლობაა ყველა ის მოვლენა, რაც ქვეყანაში­ ხდება. ახალგაზრდების ზონდერებად გამოცხადება არასწორი ინტერპრეტაცია გახლდათ და მაშინვე განვაცხადე, რომ ისინი ჩვენი მხარდამჭერები არიან, ბევრი პარტიის­ წევრიცაა. რაც შეეხება მათ მობილიზაციას, მიუხედავად იმისა, რომ არჩევნები მხოლოდ კორცხელში არ მიმდინარეობდა, ყველა საარჩევნო უბანზე ხმის მიცემამ მშვიდობიანად, დაპირისპირების გარეშე ჩაიარა. მეტიც, ყველგან იყვნენ მობილიზებული როგორც “ქართული ოცნების”, ისე “ნაციონალ­ური მოძრაობისა” და სხვა პარტიების აქტივისტები. ჩვენ უამრავი­ მხარდამჭერი გვყავს,­ სპორტსმენიც და სხვა პროფესიის წარმომადგენელიც. არავინ მალავს, რომ რთული პროცესია და ხარვეზებიც ახლავს. მთავარი საკუთარ შეცდომებზე სწავლაა.

- თუ შეცდომას ქვეყნისთვის გადამ­წყვეტ ეტაპზე – ვიზალიბერალიზაციის მინიჭების განხილვისას უშვებთ, ვინ უნდა აგოს პასუხი?

- შიდაპოლიტიკური ვითარება ვიზალიბერალიზაციის შეფერხებასთან კავშირში­ არ არის, ისე როგორც გერმანიაში, კრიმინალურ დაჯგუფებებში ქართველების რაოდენობაზე ლაპარაკი… ეს მრავალწახნაგოვანი,­ პოლიტიკური საკითხია. მთავარია, ჩვენი გუნდი როგორ მუშაობს ევროპაში, პარალელურად კი მოსახლეობაში იმ განწყობის­ შექმნაა აუცილებელი, რომ ამ შეფერხებით­ იზოლაციაში კი არ ვექცევით, არამედ ეს ევროი­ნტეგრაციის პროცესში რიგითი პროცედურაა. მთავარია, საქართველოში იყოს დემოკრატიული და ევროპულ ღირებულებებზე მორგებული საზოგადოება. ვიზალიბერალიზაციას აუცილებლად მივიღებთ, შეფერხებაზე საუბარი კი ამ პროცესის შემადგენელი რგოლია. საქართველო ევროპაა და ეს არის ფაქტი, რომელსაც ჩვენი მენტალობითა და განვითარების სწორი გზით ყოველდღიურად გავამყარებთ.

- ბიძინა ივანიშვილი ამბობს, რომ “ქართული­ ოცნების” სასარგებლოდ წინასაარჩევნო­ კამპან­იაში აქტიურად ჩაერთვება. იქნება თუ არა ყოფილი პრემიერი არჩევნებში გადამწყვეტი ფაქტორი?

- ცხადია, “ქართული ოცნება” ხომ ბიძინა ივანიშვილის შექმნილია, შესაბამისად, პარტიის მხარდამჭერებისთვის მისი გააქტიურება გადამწყვეტი ფაქტორი იქნება.

„კვირის პალიტრა“, 13 ივნისი, 2016 წელი

ინტერვიუ ნიკო მლეკიშვილთან: „იმ პოლიტიკური ძალის მაჟორიტარი კანდიდატი ვიქნები, ვინც ეს პირველად შემომთავაზა...“

ეკა ასათიანი

თბილისის ყოფილი მერი ნიკო ლეკიშვილი მომავალ არჩევნებში მონაწილეობას აპირებს. ვისთან მართავს ამ საკითხზე მოლაპარაკებას, როგორ აფასებს “ქართული ოცნების” ხელისუფლებაში ყოფნის პერიოდს და ამჟამინდელი მერის, დავით ნარმანიას მუშაობას? ამ საკითხებზე “კვირის პალიტრას” ნიკო ლეკიშვილი ესაუბრა.

- არ არის გამორიცხული, პლეხანოვზე­ ვიყარო კენჭი. ჩვენს უბანში დიდი შეკრება იყო და ამ გადაწყვეტილების მიღება მთხოვეს. ისე, მე რაჭაზეც ვფიქრობდი… ალბათ, მაინც იმ უბანში ვიყრი, სადაც ამჟამად­ ვცხოვრობ. შვიდმა პოლიტიკურმა ძალამ მთხოვა, მათი მაჟორიტარი კანდიდატი ვყოფილიყავი, მაგრამ საბოლოო გადაწყვეტილება ჯერ არ მიმიღია.

- ჩვენ ვიცოდით, რომ “ქართული ოცნება“­ და პაატა ბურჭულაძის პარტია გთავაზობდათ, მათი კანდიდატი ყოფილიყავით…

- არა, სხვებიც არიან. პაატას დიდი ხანია ვიცნობ. ბევრი ღირსეული ადამიანია მის პარტიაში და ვფიქრობ, ეს ძალა პარლამენტში ბევრ დეპუტატს შეიყვანს.

- იქნებ გვითხრათ, რომელი პოლიტიკური ძალის მაჟორიტარი კანდიდატი იქნებით?

- ხომ გითხარით, გადაწყვეტილება ჯერ არ მიმიღია. ალბათ, იმ პოლიტიკური ძალის, ვინც ეს პირველად შემომთავაზა…

- ზოგიერთი თვლის, რომ ბურჭულაძის­ პოლიტიკური ძალა “ნაციონალების” დამფინანსებლებისგან ფინანსდება, საზოგადოების ნაწილის­ აზრით კი, ეს ძალა “ქართული ოცნ­ების” მოკავშირე იქნება მომავალ პარლამენტში…­

- წინასაარჩევნოდ რომელიღაც პარტიამ შეიძლება ოპოზიციური ნიშა დაიკავოს, თუმცა პარლამენტში ხელისუფლებასთან­ ითანამშრომლოს – ეს ჩვეულებრივი პროცესია. ჩემი ვარაუდით, დღეს ერთმანეთის მიმართ ოპოზიციურად განწყობილი ძალები მომავალ პარლამენტში გაერთიანდებიან.

- როგორია დღეს “ქართული ოცნება” და მომავალ არჩევნებზე რა შანსი აქვს?

- რაც გაკეთდა, იმის დაუნახაობა არ შეიძლება. ხალხი შიშისა და წნეხისგან გათავისუფლდა. ადამიანებს ქონებას ძველებურად აღარ ართმევენ. კარგად ვიცი, ადრე რაც ხდებოდა. მაგალითად, ჩემი ახლობელი გააჩერეს რუსთაველზე, ჩააგდეს მანქანაში, წაიყვანეს ფინანსურ პოლიციაში და წილი დაათმობინეს. საგადასახადო სამსახური ბიზნესის დამტერორებელ ორგანიზაციად იყო ქცეული. ახლა ეს აღარ ხდება. დაფინანსდა სოფლის მეურნეობა, შეიქმნა ახალი სამსახურები, შეიძლება იმდენი არა, რამდენსაც ველოდით, მაგრამ რაღაც მაინც გაკეთდა. ვფიქრობ, ხალხიც ასე შეაფასებს, რაც არჩევნების შედეგებზეც აისახება.

- ე.ი. ყოფილი პრემიერის გახმაურებული­ წერილის პათოსს იზიარებთ…

- ვიზიარებ… თუმცა მე, მის ადგილზე,­ უფრო თვითკრიტიკული ვიქნებოდი. მიმაჩნია, რომ ხელისუფლებას ინვესტიციების­ მოზიდვის თვალსაზრისით მეტი უნდა გაეკეთებინა. სოფლის მეურნეო­ბაშიც რამდენ­იმე კარგი კანონის მიღება შეიძლებოდა. მაგალითად, “ნაცმოძრაობამ” თავის დროზე­ უსინდისოდ გააუქმა კანონი, რომელიც ადგილობრივი წარმოშობის ღვინოებს განსა­კუთრებულ სტატუსს ანიჭებდა. ჩანს, მაშინ ეს ვიღაცის ინტერესებს ემსახურებოდა. ამჟამინდელ ხელისუფლებას შეეძლო, ამ საკითხისთვის ყურადღება მიექცია. კვირიკაშვილის პერსონას დადებითად ვაფასებ. ის კონსტრუქციული ადამიანია და სხვადასხვა ძალასთან შეუძლია ურთიერთობა.

- როგორც ყოფილი მერი, დავით ნარმანიას მუშაობას როგორ შეაფასებთ?

- ნარმანია ძალიან შრომისმოყვარე­ა. არის პრობლემები, რაც კვალიფიც­იური კადრების არარსებობით არის გამო­წვეული. არსებობს ზედამხედველობის სამსახური, რომელიც სამუშაოს შესრულების ხარისხს აკონტროლებს, მაგრამ ეფექტიანი არ არის. ადრე არსებობდა სპეციალური სამსახური, რომელიც, მაგალითად, გზის დაგების პროცესს აკონტროლებდა, დღეს ის აღარ არსებობს. დღეს რა სიტუაციაა, ყველა ვხედავთ: ხშირად ერთსა და იმავე მონაკვეთზე გზა რამდენჯერმე იგება, რადგან სამუშაო უხარისხოდ არის შესრულებული. ზაჰესში ასფალტი ისე დააგეს, რომ ბორდიური არ ამოსწიეს, ე.ი. ბორდიურს დანიშნულება დაუკარგეს. ასეთი ხარვეზები არსებობს, თუმცა, ნარმანია შრომისუნარიანი კაცია.

- და რა არის მისი შრომისუნარიანობის­ შედეგი, რომელი წარმატებული პროექტი?

- წარმატებულ პროექტებზე საუბარი გამიჭირდება, მაგრამ ეს კაცი სულ მოძ­რაობს და რაღაცას ცდილობს­.

- წინა ხელისუფლების დროს ყოფილ მერს, გიგი უგულავას იმის გამო საყვედურობდით, რომ თბილისის განვითარება გენგეგმის გარეშე ხდებოდა. ამ თვალსაზრისით რამე შეიცვალა?

- გენერალური გეგმა 2000 წლამდე არსებობდა, მერე – აღარ და წინა ხელისუფ­ლ­ებამ ჩათვალა, რომ შეეძლო ის ეკეთებინა, რასაც მოისურვებდა. ახლა თბილისს უკვე აქვს გენერალური გეგმა…

- მიუხედავად ამისა, მაინც გრძელდება­ ქაოსური, მახინჯი მშენებლობები…

- ამიტომაც საჭიროა ეფექტიანი ზედამხედველობის სამსახური. დღეს რომ ისევ თბილისის მერი ვიყო, ზოგან მშენებლობის ნებართვას არ გავცემდი. წინა ხელისუფლების დროს მიიღეს იდიოტური დადგენილება კოეფი­ცი­ენტების­ მატების შესახებ. ამას მო­ჰყვა კამერული­ რაიონების გაუქმება. მაგალითად, მრგვალ ბაღთან პატარა კუნძული გვქონდა კერძო სახლებით. ახლა იქ უზარმაზარი კორპუსებია. ვაკის აუზთან ფეხით მოსიარულეთათვის შესანიშნავი პატარა დერეფანი იყო, სადაც უზარმაზარი სახლი დადგეს. მსოფლიოში: ბერლინში, ბრიუსელში, პარიზში და ა.შ. ხელუხლებელია­ კამერული რაიონები, სადაც 2-3-სართულიანზე მაღალი სახლების აშენება არ შეიძლება.

- და მაინც, დამრჩა შთაბეჭდილება, რომ მომავალ არჩევნებში “ქართული ოცნების” მაჟორიტარი კანდიდატი იქნებით. ჩანს, ეს პირველად ამ პოლიტიკურმა ძალამ შემოგთავაზათ…

- დიახ, პირველად მათ შემომთავაზეს.

„კვირის პალიტრა“, 13 ივნისი, 2016 წელი

ინტერვიუ ირმა ინაშვილთან: „ლევან ბერძენიშვილი პრორუსი და „სტაჟიანი­ აგენტია“ // „არ გამოვრიცხავ, ბლოკი მალე კიდევ უფრო გაფართოვდეს“

რუსუდან შელია

ირმა ინაშვილი არ გამორიცხავს, რომ მის საარჩევნო ბლოკს უკვე არსებული 5 პარტიის გარდა სხვა პოლიტიკური ძალებიც შემოუერთდებიან.

ირმა ინაშვილი, “პატრიოტთა ალიანსის” ლიდერი: – 25 წელია ხელისუფლებაში პარტიები მოდიან დაპირებით, რომ საარჩევნო სისტემა შეიცვლება და კონკურენტუნარიანი იქნება, თუმცა თანამდებობა ამ დაპ­ი­რებას ყველას ავიწყებს. ასეა “ქართული ოცნების” შემთხვევაშიც – დღესაც­ სახელმწიფო სახელისუფლებო კანდიდატზეა მორგებული და ბუნდოვანი კანონები არჩევნებში უხეშად ჩარევის შესაძლებლობას იძლევა.­ ეს უსამართლობა საგარეჯოში გამოვცადე. საარჩევნო ბლოკის შექმნაც სწორედ იმისთვის არის საჭირო, რომ უსამართლო პირ­ობებში მეტ ეფექტს მივაღწიოთ.

- რა ეფექტს შეგმატებთ კახა კუკავა,­ კონსტანტინე გამსახურდია, გოჩა ჯოჯუა?

- წინ მძიმე არჩევნები გველოდება, რომლის მიხედვითაც, ევროპა და აშშ დასკვნებს გააკეთებენ. გაერთიანების ერთ-ერთი­ მიზეზი დასავლეთია, სადაც მოლაპარაკებებს ვაწარმოებთ. იქ რამდენიმე პარტიის მიერ გავრცელებულ განცხადებას მეტი დატვირთვა აქვს, ვიდრე ერთი პარტიის ანგარიშს. ამასთან, 6 პარტია მეტი წარმატებით უმკლავდება იმ დაბრკოლებებს, რაც საგარეჯოში მხოლოდ ჩვენზე ტყდებოდა.

- ახლა მეტი კითხვა არ გაჩნდება თქვენს პრორუსულობაზე, როცა კახა კუკავა ჟირინ­ოვსკისთან აქტიურ შეხვედრებს მართავდა?

- საზოგადოება ამ იარლიყების მიკერ­ებით დაიღალა. ეს ტენდენცია კონკურენტი პარტიების დისკრედიტაციისთვის “ნაციონალურმა მოძრაობამ” ჩამოაყალიბა და მოგვიანებით “რესპუბლიკურმა პარტიამ” განავრცო. იმას რატომ არავინ იხსენებს,­ პირდაპირ ეთერში ლევან ბერძენიშვილისა და რუსეთის დაზვერვის თანამშრომლის სატელეფონო საუბარს რომ ვისმენდით? სწორედ ბერძენიშვილია პრორუსი და “სტაჟიანი­ აგენტი”. ვწუხვარ, რომ ამ კამპანიაში კვირი­კაშვილიც ჩაერთო. სად არის რუსული­ პროპაგანდა, ან რომელი პრორუსული არასამთავრობო ორგანიზაციაა ამ ქვეყანაში ძლიერი?

- ეს საზოგადოების დამსახურებაა, რომ­ლის უმრავლესობა პროდასავლურ კურსში­ ხედავს განვითარებას, სხვა მხრივ, ყველა კვლევით­ დასტურდება, რომ რუსული პროპაგანდისთვის­ ქვეყანაში დიდი ფინანსური რესურსი შემოდის…

- ამაზე საუბარიც კი კომედიაა. “რესპუბლიკური პარტია” იმდენად შეპყრო­ბი­ლია­ სააკაშვილისეული მანერებით, რომ პრეზიდენტიც კი გამოაცხადა რუსული გზავნილების გამხმოვანებლად. თუ მარგველაშვილმა ანგარიში მოითხოვა – რატომ არ გაემგზავრა­ ქართული ასეული პოლონეთში სამხედრო წვრთნებზე, თინა ხიდაშელის განცხადებით, ეს რუსული ნარატივი და კრემლიდან მიღებული მესიჯების გახმოვანებაა. “რესპუბლიკურ პარტიას” დიდი ხანია ნდობა არ გააჩნია, თინა ხიდაშელი საგარეჯოშიც პირწმინდად დავამარცხე. 8 ოქტომბრის არჩევნებშიც მეორე ადგილზე გავალთ!..

- პირველზე ალბათ, “ქართული ოცნება“­ წარმოგ­იდგენიათ, რომელიც “ნაციონალურ მოძ­რაობას” განიხილავს მთავარ ოპონენტად?

- “ქართული ოცნება” პირველ ადგილზე­ გასვლას შეძლებს. არ ვაზვიადებ, მხოლოდ ქართველებისა და უცხოელების მიერ ჩატა­რებულ კვლევებს ვეყრდნობი. “ნაციონალ­ური მოძრაობა” კი მალე პოლიტიკური ასპარეზიდან აორთქლდება. 8 ოქტომბერს “ნაცმოძრაობა” საბოლოოდ დასრულდება.

- გოგი თოფაძესა და თამაზ მეჭიაურთან­ გაერთიანებასაც გეგმავთ?

- თოფაძესთან მოლაპარაკებები არ გვქონია, ურთიერთსიმპათიების გაცვლა მხოლოდ სატელევიზიო ეთერებიდან მოხდა. რაც შეეხება მეჭიაურს, კონსულტაციები­ არ დაწყებულა, თუმცა მის პარტიაში ჩემი მეგობრები არიან. არ გამოვრიცხავ, ბლოკი მალე კიდევ უფრო გაფართოვდეს.

——————–

„ყოველკვირეული ალია“, 13 ივნისი, 2016 წელი

ინტერვიუ გიგლა ბარამიძესთან: ექსპერტები ვარაუდობენ, რომ თამაზ მეჭიაურს ნინო ბურჯანაძის ჩასაძირად შეუქმნა პარტია!? // „ქართულ ოცნებას“, სოფელსა თუ ქალაქში, მკვდარსა და ცოცხალს აგინებენ

ნინო სამხარაძე

ევროკავშირი ვიზალიბერალიზაციის მოლოდინში გვამყოფებს, თუმცა ყველა თანხმდება, რომ საქართველო ვიზალიბერალიზაციას იმსახურებს, მაგრამ ახსნა არა აქვს ევროკავშირის ამ ქმედებას, მაშინ, როცა საქართველომ იმაზე მეტი გააკეთა, ვიდრე შესაძლებელი იყო.

საქართველოში ამერიკის სავაჭრო პალატის პრეზიდენტი სარა ვილიამსონი განცხადებას აქვეყნებს და ამხელს „ნაციონალურ მოძრაობას“, რომელიც, ფაქტობრივად, ანტისახელმწიფოებრივ ქმედებას სჩადის: „ევროკავშირს უნდა რცხვენოდეს საკუთარი თავის, მაგრამ არა იმდენად, როგორც ზოგიერთ ქართულ, სავარაუდოდ, პროდასავლურ ოპოზიციურ პარტიას, რომლებიც ლობირებენ საკუთარი ქვეყნისთვის ვიზალიბერალიზაციის პროცესის საწინააღმდეგოდ და ამას აკეთებენ საკუთარი პოლიტიკური ინტერესებიდან გამომდინარე. ეს არ არის მოქალაქეობრივი, ან პატრიოტული საქციელი. ეს ნარცისიზმი და ავადმყოფობაა…“.

ამ ავადმყოფების დასჯა ვერ მოახერხა „ქართულმა ოცნებამ“ და თავში გასაკეთებელ საქმეს ახლა იწყებენ და პიარისთვის პარლამენტი „ნაცმოძრაობის“ მიერ ჩადენილი დანაშაულის შესახებ გაუგებარ დოკუმენტს იღებს. „ქართულ ოცნებას“ კი ვეტყოდი, აიკარით შუბლზე ეგ თქვენი დოკუმენტი, თუ აქტი და კარდაკარის პრინციპით იარეთ, მაინც არავინ დაგიჯერებთ იმიტომ, რომ არ გაასამართლეთ „ნაცმოძრაობა“,  როგორც დამნაშავე ძალა და ისე ძლიერად აქვთ ფესვები გამდგარი, რომ მათი ამოძირკვა უკვე გვიანია. მათ შეაღწიეს ყველა სფეროში და ვიდრე თქვენ ტკბებოდით ფუფუნებაში და ძალაუფლების ხიბლით ჩავარდნილებს არ გესმოდათ ხალხის გასაჭირი, 2012 წელს გასაქცევად გამზადებული ჩემოდნებზე მჯდომი „ნაცმოძრაობა“ გაძლიერდა. სწორედ იქ დაგხვდებათ მათი მქადაგებელი, სადაც არ ელოდებით.

„ალიას“ კითხვებს პასუხობს „დემოკრატიული მოძრაობის“ ერთერთი ლიდერი გიგლა ბარამიძე.

- თქვენი აზრით, ვიზალიბერალიზაციის მინიჭების საკითხი რატომ დამუხრუჭდა და რატომ შეიქმნა ყალბი მოლოდინი, რა პრობლემების წინაშე ვდგავართ?

- მახსენდება ქართული ფილმი „რაც გინახავთ, ვეღარ ნახავთ“, პატარძალს რომ მოსტაცებენ გიორგი შენგელაიას გმირს, სოფლის მოსამართლესთან რომ მივა და ეუბნება, -გეკუთვნის, მაგრამ მაინც არ გეკუთვნისო. ასეა ევროპა ჩვენს მიმართ, კი გვეკუთვნის ვიზალიბერალიზაცია, მაგრამ არ გვაძლევენ. ეს არის სასაცილო ანეკდოტი, სატირალი რომ არ იყოს… იცით, რა მაინტერესებს? ეს ჩვენი მთავრობა გასტროლიორებად რომ იქცნენ, კვირაში ექვსი დღე რომ ევროპაში არიან და ტურისტებივით ჩამოდიან საქართველოში, შედეგები მაინც გვანახონ. ამათი გაკეთებული საქმე გინახავთ?!. აგვიხსნან, რაში იხარჯება ბიუჯეტის თანხები, ევროპაში მოგზაურობის ფუფუნება გვაქვს ჩვენ?!. ჯერ იყო და გვაცნობეს, მაპზე უკეთესს მივიღებთო, ახლა გვეუბნებიან, რომ ვარშავის სამიტზე სასწაულის მომსწრენი გახვდებით და საქართველო ნატო-ში უფრო მეტად იქნებაო. ამ ტერმინების თამაშმა ხომ დაგვტანჯა. ახლა გეკითხებით, ეს რისი მანიშნებელია, თუ არა იმისა, რომ ხელისუფლება არ არის თავის ადგილზე.

- ამ ტერმინებზე მახსენდება დავით უსუფაშვილის განცხადება, ევროკავშირის დღევანდელი გადაწყვეტილება უფრო მეტ და უკეთეს მოლოდინს აჩენსო, ვიზალიბერალიზაციას გადავახტებით და ევროპაში მიგვიღებენ? რა უნდა იყოს ის „უკეთესი“?

- როცა ამხელა თანამდებობის პირი ხარ და გაუგებარ სიტყვათაწყობით სახელმწიფო გადაწყვეტილებებზე ასე საუბრობ, ეს კიდევ მეორე შეკითხვაა. რას ნიშნავს, უარს გვეუბნებიან და საზოგადოებაში აჩენ ახალ მოლოდინს, თურმე უკეთესს უნდა ველოდოთ. სათქმელი მეტი არაფერი აქვთ. მე გეტყვით, რომ ამას არავინ ეკითხება და ტყუილად იღებენ ხელფასს, თვითონაც იციან, რაც ხდება მათ თავს, უბრალოდ, სამსახურში მიდიან, ხელფასებს იღებენ და ქმნიან ილუზიას, რომ წარმოადგენენ მთავრობას და ქვეყნის პირველი, მეორე თუ მესამე პირები არიან. საქართველოს მიმართ გადაწყვეტილებას ხელისუფლების გარეშეც მშვენივრად მიიღებს ნატო და ევროკავშირი, მაშინ, როცა ეს მათ დასჭირდებათ. უბედურება სწორედ ესაა, ჩვენ მათ მეგობარ ქვეყნებს ვუწოდებთ, მაგრამ არ იქცევიან, როგორც მეგობრები და პარტნიორები. საწყენია, რომ ჩვენი ხელისუფლება თავს ვერაფერს აბამს. ივანიშვილმა თავის ინტერვიუებით დაადასტურა, რომ ეს ხელისუფლება რეალურად არავითარი ძალაუფლების მატარებელი არ არის. ეს არის ფიქციური ხელისუფლება. ივანიშვილის თქმით, ზოგი „კარგი ბიჭი“ ყოფილა, ზოგი „ხათრით მინისტრია“, ეს არის საბავშვო ბაღი. ამ ყველაფრის ფაქტობრივი ხელმძღვანელი არის ადამიანი, რომელიც ქვეყნის რეალური მმართველია. მან არათუ იცის, ვინ უნდა დაინიშნოს ამა თუ იმ თანამდებობაზე, არამედ ისიც კი იცის, ვინ რას ლაპარაკობს და რას წერს „ფეისბუკშიც“ კი… და ჩვენი მინისტრები რომ ამბობენ, დამოუკიდებლები ვართ და ივანიშვილს არაფერს ვეკითხებითო, ჩვენ არ გვჯერა ამ ტყუილების. ივანიშვილმა თავის ინტერვიუებში დაადასტურა, რომ ის არის მმართველი.

- ამერიკის ელჩიდან დაწყებული, ევროკავშირის მაღალი თანამდებობის პირები ბიზინა ივანიშვილს მიანიშნებენ, რომ არაფორმალურ მმართველობაზე თქვას უარი, წინააღმდეგ შემთხვევაში განიხილება მისდამი სანქციების დაწესება, მაგრამ ვის ატყუებენ ისინი, თუ არაფორმალური მმართველია, რატომ ხვდებიან ბიძინა ივანიშვილს? ეს მან ინტერვიუშიც თქვა, რომ შეხვდა აშშს ელჩს იან კელის და განიხილეს მნიშვნელოვანი თემები, მათ შორის „რუსთავი 2“-ის საკითხი. ვინ ვის ატყუებს? თავად დიპლომატიური კორპუსი რატომ არ იცავს პოლიტიკურ სტანდარტს?

- ძალიან საინტერესო კითხვაა, ამ კითხვაშივეა პასუხი. როდის აქეთ იცავდა ამერიკის შეერთებული შტატების ელჩი დიპლომატიურ სტანდარტებს? ძალიან კარგად იციან, ვინ არის საკითხების გადამწყვეტი და იმასთან მიდიან. გეკითხებით, ნებისმიერი მედიის დაბლოკვის მცდელობა, მით უმეტეს არჩევნების წინ რომ გაუმართლებელია, ამას რად უნდა ამერიკის ელჩის დიდაქტიკა?! აშშ რომ გადაწყვეტს საკითხს, მერე აყენებენ ჩვენი ქვეყნის პრემიერ-მინისტრს საქმის კურსში. ასე იყო ღარიბაშვილის შემთხვევაში და ასეა კვირიკაშვილის დროსაც.

- ივანიშვილი აპირებს, რომ კარდაკარ იაროს და მოსახლეობას იმ პარტიების ანატომია მოუყვეს, ვინც მისი კონკურენტები არიან. როგორც ჩანს, `ნაციონალებთან~ ერთად მისი სამიზნე არის ის ე.წ. ნათელაშვილისა და კუკავას ე.წ. ერთკაციანი პარტიები. რაც შეეხება „დემოკრატიულ მოძრაობას“, ექსპერტები ვარაუდობენ, რომ მეჭიაურს ბურჯანაძის ჩასაძირად შეუქმნა პარტია, ასევ მიზანში ჰყავს ამოღებული პაატა ბურჭულაძე და ხაზს უსვამს, - ნუ მოიტყუებაო… მაშ ასე, როგორ შეძლებს იგი დაამტკიცოს სხვების სისუსტე და საკუთარი ძლიერება?

-_ როცა სჭირდება ივანიშვილს, ერთი ჩვეულებრივი მოქალაქეა, როცა უნდა  პოლიტიკოსი. ვინ ეკითხება პარტიების დახასიათებას, ვის აინტერესებს მისი აზრი სხვა პარტიების შესახებ? მას ხალხი სთხოვს პასუხს იმ დაპირებების გამო, რაც არჩევნებზე გასცა და არ შეასრულა. აუხსნას მოსახლეობას, რა იყო ამის მიზეზი, რატომ მოატყუა ხალხი, სხვის ბოსტანში კენჭებს რატომ ისვრის, ყველამ თავის ბოსტანს მიხედოს. სხვა პარტიების ხარჯზე საკუთარი პარტიის პოზიციების გამყარება უნდა, ყველაფერს თავისი სახელი დავარქვათ და ვთქვათ, რომ ბიძინა ივანიშვილი თავიდან ბოლომდე ჩართულია საარჩევნო მარათონში. ნახა, რომ კულისებში მისი დგომა არ შველის „ქართულ ოცნებას“, მკვდარსა და ცოცხალს აგინებენ სოფელსა თუ ქალაქში, ამიტომ გადაწყვიტა, ყველა რეზერვი გამოიყენოს, როგორმე შეინარჩუნონ პოზიციები 2016 წელს. ივანიშვილის განცხადებებს დრამატულად არ აღვიქვამთ, მთავარია, არჩევნებამდე მშვიდად მივიდეთ.

——————–

„ახალი თაობა“, 13 ივნისი, 2016 წელი

ინტერვიუ შოთა მალაშხიასთან: „ვიზალიბერალიზაციის შესაფერხებლად საბაბი ჩვენც არ უნდა გავაჩინოთ“ // „ბიძინა ივანიშვილს წასასვლელი არსად აქვს

ვიზალიბერალიზაციის გადადება მტკივნეულად აღიქმება საქართველოში. პარლამენტის უმცირესობის წევრი შოთა მალაშხია „ახალ თაობასთან“ ინტერვიუში ამას ბევრ ფაქტორს უკავშირებს.

„ყველაზე კარგი მომენტი ვიზალიბერალიზაციის პროცესის დასასრულებლად საქართველოს 2012 წელს ჰქონდა. იყო რეალური შანსი, რომ მაშინ მიგვეღო ვიზალიბერალიზაცია. მაშინ მთელი მსოფლიო ჩვენი ქვეყნის ქებაში იყო. დადებითად აღიქმებოდა ხელისუფლების მშვიდობიანად, არჩევნებით შეცვლა. 2912 წელს თუ არა, ეს პროცესი შეიძლებოდა 2013 წელს დასრულებულიყო. ამას შემდეგ ბევრი მოვლენა მოჰყვა. პროცესის შეჩერებით ყველა დავზარალდით. ჩემი შვილი, რომელიც აშშ-ში სწავლობს, თვითმფრინავით მგზავრობისას გზად მიუნხენში ჩერდება. ის თვითმფრინავიდან ვერ გადმოდის. ამის უფლება რომ მისცენ, ცალკე ვიზა უნდა აიღოს გერმანიისთვის. ვიზალიბერალიზაციის შემოღების შემთხვევაში მას ეს შეზღუდვა მოეხსნებოდა“, – ამბობს შოთა მალაშხია..

- ამ მოლოდინს თავად ევროსტრუქტურები აჩენდნენ...

- გერმანია ყურადღებას ამახვილებს საქართველოდან ჩასულ დამნაშავეებზე. გერმანია ძალიან დიდი რაოდენობით ემიგრანტებს იღებს. მისთვის საქართველოდან ჩასულების რიცხვი პრობლემების შემქმნელი არ უნდა ყოფილიყო. გერმანიას მხარი აუბეს სხვა სახელმწიფოებმა. ეს მაინც პოლიტიკური საკითხია. ფაქტია, რომ საქართველოს ხელისუფლებაც საბაბს აძლევს ევროპელ კოლეგებს, რომ მათ ვიზალიბერალიზაციისგან თავი შეიკავონ.

- საქართველოს ხელისუფლებამ ამასთან დაკავშირებული მოთხოვნები შეასრულა...

- ხელისუფლება საბაბს იძლევა თავისი არასწორი მოქმედებებით, თავისი არადემოკრატიული ნაბიჯებით, რუსთავი 2-ით დაწყებული, კორცხელის ცემა-ტყეპით დამთავრებული. ეს ხელისუფლება ევროპელი მეგობრების შენიშვნებსა და რჩევებსაც არაადეკვატურად ხვდება.

- მაგალითად?

- ევროპელი პარტნიორები რჩევებს გვაძლევენ იმისთვის, რომ საქართველომ დაიმკვიდროს თავისი კუთვნილი ადგილი ევროპულ ოჯახში. ამის პასუხად ვისმენთ კვაჭანტირაძის, მეჭიაურისა და სხვების არაკორექტულ გამონათქვამებს. ევროპელები ამ ლოგიკას ვერ იგებენ. ამათი მიზანი კი ბიძინა ივანიშვილის გულის მოგებაა. ის ავიწყდებათ, რომ რასაც საშინაო მოხმარებისთვის იტყვი, ის გარეთაც გავა. საელჩოები სწორედ იმით არიან დაკავებული, რომ ინფორმაციას აგროვებენ. იუსტიციის მინისტრი წულუკიანი რომ საკონსტიტუციო სასამართლოზე ზეწოლას ახდენს, ევროპაში ესეც კარგად იციან. მათ კარგად უწყიან, როგორ ითვალისწინებენ საქართველოში ვენეციის კომისიის დასკვნებს.

- ხომ არ გამოიწვევს ეს პროცესი დასავლური ძალებისა და დასავლეთის მიმართ სკეპტიციზმს?

- არა. ჩვენი ხალხი გონიერია. ადამიანებმა კარგად იციან, რომ ის, რაც ხდება, პროდასავლური ძალების ბრალი არ არის. პირიქით, ხალხი ხელს შეუწყობს დასავლური ძალების ხელისუფლებაში მოსვლას. საზოგადოებას უნდა, რომ ვიზალიბერალიზაცია ბოლომდე მივიდეს და ქვეყანაში დემოკრატიზაცია მოხდეს. ჩვენი ხალხი ნამდვილად არის იმის ღირსი, რომ თავისუფლად გადაადგილდებოდეს ევროპაში.

- დასავლური ძალების გაერთიანება შესაძლებელია?

- მთლიანობაში, ძალიან მძიმე სიტუაციაა შექმნილი. ამაზე ადრეც მისაუბრია. ახლა კიდევ უფრო მეტად გამოაშკარავდა, რომ ბიძინა ივანიშვილი არ აპირებს ხელისუფლების დათმობას არჩევნების გზით. კორცხელის მოვლენებმა ეს დაადასტურა. ეს მოხდა სამეგრელოში, რომელიც 1992 წელს ააოხრეს. ყველაზე საშინელება ისაა, რომ კორცხელიდან ორ კილომეტრში ესვენა სასტიკად მოკლული გიგა ოთხოზორიას ცხედარი. ეს კუნთმაგარი ბიჭები ჯერ სამძიმარზე რომ მისულიყვნენ, მათ ქელეხში მიიწვევდნენ. იქიდან გამოსულებს რომ ეჩხუბათ, ამას კიდევ გაიგებდნენ იქაურები, მაგრამ პანაშვიდზე მისვლა არავის მოსვლია აზრად. ეს ჩასულები დაერივნენ ადგილობრივებს. ეს იყო სიბინძურე. ამის ორგანიზატორს ქვეყანა უყვარს?!

- ამ მოვლენის გამო პარლამენტს ბოიკოტი გამოუცხადეთ. არაერთი პოლიტიკოსი აცხადებს, რომ ამ ბოიკოტით თქვენ ჩააგდეთ გერმანული საარჩევნო მოდელი, რითიც ხელს უწყობთ უსამართლო არჩევნებს...

- ჯერ ერთი, ეს მოდელი არ არის მხარდასაჭერი. მას ხარვეზები აქვს. მეორეც, მისმა ინიციატორმა რესპუბლიკელებმა მაშინ რატომ არ წამოაყენეს ეს პროექტი, როცა მყარი უმრავლესობა ჰქონდათ? ჩვენც რომ გამოვცხადდეთ, 43 ხმამდე გროვდება. მის მისაღებად 76 ხმაა საჭირო. ჩვენ რომ კორცხელი დავივიწყოთ და ეს არ გავაპროტესტოთ, ოქტომბერში არჩევნებზე სამოქალაქო ომი გვექნება.

- ორგანიზატორების დასჯასაც მოითხოვთ?

- რა თქმა უნდა. მონაწილეებსაც მსუბუქი სასჯელი შეეფარდათ. თუ ლორთქიფანიძის პიჯაკის დამხევებს 6 და 7 წელი მიუსაჯეს, თან წინასწარი პატიმრობაც დააკისრეს, ამათ რატომ ექცევიან ასე რბილად?

- აღნიშნეთ, რომ ბიძინა ივანიშვილს არ უნდა ხელისუფლების დათმობა არჩევნების გზით. არადა, დიდი ალბათობით, არჩევნებს სწორედ „ოცნება“ მოიგებს...

- იგი ამისთვის იმ თანხებს დახარჯავს, რომელიც ბიუჯეტიდან წაიღო. არის საფრთხე, რომ კორცხელის მსგავსი ფაქტები გამეორდეს. ამიტომ უნდა გავაერთიანოთ ძალები, რომ ეს არ მოხდეს.

- თქვენი კოლეგები ნაცმოძრაობიდან ფიქრობენ, რომ ბიძინა ივანიშვილი წავა. ზოგი ამბობს, გაიქცევაო...

- გასაქცევი არა აქვს და სად წავა? რუსეთს თუ დავალებები ბოლომდე არ შეუსრულა, გააქრობენ, საფრანგეთს თუ შეაფარებს თავს, კრიმინალური ელემენტები გაწეწავენ. ივანიშვილი ისევ ატყუებს ხალხს. მისი თქმით, გარკვეულ შედეგს 3 წლის შემდეგ მივაღწევთ. საუბარია ლიტვის მაგალითზე. სინამდვილეში, თუ ასე გავაგრძელეთ, ლიტვას 10 წელიწადზე ადრე ვერ დავეწევით. გაუგებარია ასევე ლაპარაკი 2030 წელზე. ხელისუფლებას ხალხი 4 წლით ირჩევს. საიდან იცის ივანიშვილმა, რომ 2030 წელსაც ის და მისი პარტია იქნებიან ხელისუფლებაში?!

„ახალი თაობა“, 13 ივნისი, 2016 წელი

ვანო მერაბიშვილის გათავისუფლების საკითხი ხვალ, 14 ივნისს, გადაწყდება // ინტერვიუ ლადო სადღობელაშვილთან: „ქართულმა ოცნებამ“ ამისთვის ნიადაგი უკვე მოამზადა“

რა მოხდება იმ შემთხვევაში, თუ ვანო მერაბიშვილი გარეთ გამოვა, რა გარიგებას უნდა ველოდოთ „ნაციონალებსა“ და „ოცნებას“ შორის, რაზე უნდა აგონ პასუხი თავდაცვისა და საგარეო საქმეთა მინისტრებმა? – ამის შესახებ „ახალ თაობას” არასამთავრობო ორგანიზაცია „თავისუფალი თაობის“ ლიდერი ლადო სადღობელაშვილი ესაუბრება.

„ვანო მერაბიშვილთან დაკავშირებით პროცესები უცნაურად განვითარდა. თავიდან ბიძინა ივანიშვილმა თქვა მასზე, ნიჭიერი კაციაო, ცოტა ხნის წინ კი „ქართული ოცნების“ ერთ-ერთმა ახალგამოჩეკილმა ლიდერმა დავით კოღუაშვილმა განაცხადა, რომ ვანო მერაბიშვილი გარემოების მსხვერპლია. ეს არ ყოფილა შემთხვევითი განცხადება”, – ამბობს იგი.

- რატომ გგონიათ, რომ შემთხვევითი განცხადება არ იყო? კოღუაშვილი ამბობს, რომ მისი განცხადება კონტექსტიდან იყო ამოგლეჯილი...

- არაფერი არ ყოფილა კონტექსტიდან ამოგლეჯილი. კაცი რომ ახალ პარტიაში შევა, მისი ერთ-ერთი ლიდერი გახდება და პირველ განცხადებას მერაბიშვილზე გააკეთებს, ეს შემთხვევითი არ არის.

- უკვე მეორედ ამბობთ, რომ შემთხვევითი არ არის. თქვენი აზრით, ეს რაიმე მიზანს ემსახურება?

- ეს განცხადებები რომ კონკრეტულ მიზანს ემსახურებოდა, ამაზე სტრასბურიდან მოსული ინფორმაციაც ნათლად მეტყველებს. 14 ივნისს სტრასბურის სასამართლო მერაბიშვილის საქმესთან დაკავშირებით განაჩენს გამოაცხადებს. განაჩენის გამოცხადებიდან ძალიან მალე, შესაძლოა, მერაბიშვილი გაათავისუფლონ. ნაციონალები მოქმედ ხელისუფლებას უნიათოს უწოდებენ. მე არაერთხელ მითქვამს და ახლაც გავიმეორებ, რომ ისინი უნიათოები კი არა, უპასუხისმგებლოები არიან. ისინი პასუხისმგებლობით არც სტრასბურის სარჩელს მოეკიდებოდნენ და დიდია იმის ალბათობა, რომ ეს საქმე წააგონ. სტრასბურის განაჩენი თუ გამამართლებელი იქნა, მაშინ მერაბიშვილი ან გარეთ გამოვა, ანდა სასჯელი შეუმსუბუქდება. ზემოთ გავიხსენე, როგორ აქებდა ივანიშვილი ამ ადამიანს. ისიც გამახსენდა, როგორ დადებითად დაახასიათა მან იუსტიციის ყოფილი მინისტრი ზურაბ ადეიშვილი. ალბათ, არც ისაა შემთხვევითი, რომ ვანოსა და ადეიშვილის დაქვემდებარებაში მყოფი ნაციონალები გამოეყვნენ დედაპარტიას.

- „გირჩებსა“ და ვაშაძის ფრთაზე საუბრობთ?

- „გირჩები” ვანოს დაჯგუფებაა, ხოლო ვაშაძის ფრთა _ ადეიშვილის. აშკარაა, რომ რაღაც გარიგებასთან გვაქვს საქმე. ვანო სადაცაა ციხიდან გამოვა, ადეიშვილს კი ძებნილის სტატუსს მოუხსნიან. უკვე დიდი ხანია, ეს პროცესი მზადდება და ორივე მხარე ხელსაყრელ დროს ელოდება. აბა, დავფიქრდეთ, ბოლოს როდის ისაუბრეს `მეოცნებეებმა~ სამართლიანობის აღდგენაზე ან კოაბიტაციის დასრულებაზე. ივანიშვილმა თქვა, რომ პოლიტიკაში მოსვლა 2011 წლის სისხლიანმა 26 მაისმა გადააწყვეტინა. ამ საშინელების გამოძიების პირობაც დადეს, მაგრამ ახლა ამაზე აღარავინ საუბრობს. ისეთი შთაბეჭდილება მრჩება, რომ ყველაფერი გადაიხაზა და ესენი სუფთა ფურცლიდან იწყებენ საუბარს. ამას აუცილებლად მოჰყვება სავალალო შედეგები. მერაბიშვილი, იცოცხლე, გამოვარდება ციხიდან, ესენი ქვეყნიდან გააპარებენ და რამდენიმე წლის შემდეგ მას დაივიწყებენ. ფაქტობრივად, დავიწყებულია ადეიშვილი, რომლის თავები დღესაც კარგად გრძნობენ თავს საქართველოში. მოვლენების განვითარებას შეხედავენ და, თუ საჭირო გახდა, გიგი უგულავასაც შეიწყალებენ.

- რას ნიშნავს, თუ საჭირო გახდა, შეიწყალებენ?

- არჩევნების წინ შესაძლოა „ნაციონალების“ თავი დასჭირდეთ. გარიგების დასადებად გიგი უგულავას გამოუშვებენ. თუ კიდევ გაჭირდა საქმე, ბაჩო ახალაიასაც გამოაგდებენ ციხიდან. აი, ეს არის ამათი სამართლიანობის აღდგენა.

- ხალხის რეაქცია ამაზე იქნება ძალიან მკვეთრი და ხალხს არაფერს ეკითხებიან?

- ხალხმა უკვე ყველაფერზე ჩაიქნია ხელი და ამათგან ყველაფერს ელოდებიან. თავადაც აღიარეს, რომ სანდრო გირგვლიანისა და სხვა ბიჭების სისხლზე მოვიდნენ. ალბათ, ვეღარც კი გავიხსენებთ, ბოლოს როდის ახსენეს ეს ბიჭი, რომლის სიცოცხლეც ვანოსა და დათა ახალაიას კისერზეა. ეს სისხლისმსმელები და ბიუჯეტის ჭია უგულავა რომ გამოვარდებიან ციხიდან, მერე ნახეთ, რა დაიწყება თბილისში.

- ანგარიშსწორებების დაწყებას ვარაუდობთ?

- ეგენი ისეთი ბოღმები არიან, შესაძლოა, მათი გამოსვლის შემდეგ აქ ვენდეტები დაიწყოს. მერაბიშვილი გვამების მოთხოვნას ისედაც მიჩვეულია და ციხეში უფრო გამწარდებოდა. წინ მძიმე ამბები გველოდება. 2012 წელს ხელისუფლება რომ იცვლებოდა, ყველა იმედიანად იყო განწყობილი. ოჯახთან ერთად მეც ემიგრაციიდან დავბრუნდი, მჯეროდა, რომ ქვეყანას ნორმალური იერი მაინც დაედებოდა. ყველას იმედი გაუცრუვდა და ახლა ყველა ქვეყნიდან გაქცევაზე ფიქრობს.

- ევროპის სახალხო პარტიის ერთ-ერთმა ლიდერმა საირუში ვოლსკიმ ცოტა ხნის წინ თქვა, მერაბიშვილისა და უგულავას გათავისუფლების გარეშე საქართველო ვიზალიბერალიზაციას ვერ მიიღებსო. იქნებ ვიზალიბერალიზაციაში იცვლება ვანო მერაბიშვილი?

- ვიზალიბერალიზაციის მიღება ასე მარტივი არ არის და ამ საკითხს მერაბიშვილის გათავისუფლება ვერ მოაგვარებს. ე.წ. პოლიტპატიმრების თემა ხელოვნურად არის წამოწეული იმისთვის, რომ ვიზალიბერალიზაცია არ მივიღოთ. ევროპაში ჩვენზე უკეთ იციან, რომ არც ვანო და არც გიგი პოლიტპატიმრები არ არიან. აქ უფრო სხვა აქცენტებია და მიზეზები სხვაგან უნდა ვეძებოთ.

- სად სხვაგან?

- ამ პროცესზე პასუხისმგებლობა მთლიანად ხელისუფლებას ეკისრება. ხელისუფლება ცდილობს, დემოკრატიული პოზა დაიჭიროს და პროდასავლური ნიშა დაიკავოს, მაგრამ რეალურად ეს მოჩვენებითია. „ქართული ოცნება“ რომ დემოკრატიული რელსებიდან აცდენილია, ამაზე კორცხელის ინციდენტიც მეტყველებს.

- ხელისუფლება ამბობს, რომ ეს ნაციონალების პროვოკაცია იყო...

- ეს არ არის გასამართლებელი საბუთი. ოპოზიცია იმის ოპოზიციაა, რომ ხელისუფლება რაიმე ტიპის პროვოკაციაზე წამოაგოს. ხელისუფლებაში რომ ხარ, პროვოკაციები თავიდან უნდა აირიდო. 2008 წელს სააკაშვილიც პროვოკაციაზე წამოეგო, ომი რომ დაიწყო. რაც შეეხება ამ ხელისუფლების პროდასავლურობას, აქაც ბევრი კითხვის ნიშანია. თამაზ მეჭიაური იმის გამო განკვეთეს, რომ ადამიანმა ნატოსა და ამერიკაზე რაღაც თქვა. პრემიერმა კვირიკაშვილმა ღიად განაცხადა, ჩვენ იმ პერსონებთან ვერ ვითანამშრომლებთ, რომლებიც ჩვენს საგარეო კურსს არ ეთანხმებიანო. ამ დროს იმავე კვირიკაშვილმა „ქართული ოცნების“ საარჩევნო შტაბი გაზპრომის მეხოტბე კახა კალაძეს ჩააბარა. ვიზალიბერალიზაციის მიღების კუთხით ხელისუფლებამ სათანადოდ ვერ იმუშავა. მთელი პრეტენზიები საგარეო საქმეთა სამინისტროსკენ არის მიმართული, მაგრამ ამ დროს არავის ახსენდება თავდაცვის სამინისტრო.

- თავდაცვის სამინისტრომ რაღა დააშავა?

- რაღა რა დააშავა? ეს უწყება ჩართულია საერთაშორისო მოლაპარაკებებში. თინა ძალო რომ დაგვყვირის, ნატო და ევროპაო, რატომ არ აწარმოა საჭირო სამუშაოები? მხოლოდ ევროპაში სიარული ვიზალიბერალიზაციისთვის საკმარისი არ არის. იმედია, ახლა მაინც მიხვდა, რომ ამერიკისადმი მონური და მანქურთული დამოკიდებულება პროდასავლურობის განმსაზღვრელი არ ყოფილა.

ყველაზე მეტი პასუხისმგებლობა გიორგი კვირიკაშვილს ეკისრება, რომელსაც გასული წლის დეკემბრამდე საგარეო საქმეთა მინისტრის პოსტი ეკავა. ამ ადამიანს დიდ პატივს ვცემ, მაგრამ მას უფრო მეტი უნდა მოენდომებინა. ეს პროცესი ღარიბაშვილის პრემიერობის დროს კარგად მიდიოდა. როდესაც მან თქვა, რომ ძალიან მალე მივიღებდით ვიზალიბერალიზაციას, გამოვარდა თამარ ჩერგოლეიშვილი გიგა ბოკერიასთან ერთად და განაცხადეს, რომ საპარლამენტო არჩევნების დასრულებამდე უვიზოდ მიმოსვლის საკითხი არ გადაწყდებოდა.

საქმეს ისეთი პირი უჩანს, რომ ყველაფერი მართლა აქეთკენ მიდის. ამას ხელი კორცხელის ინციდენტმაც შეუწყო. წარმომიდგენია, გიორგი კანდელაკისა და ჩიორა თაქთაქიშვილის დუეტი რა რეპორტინგს გააკეთებდა მომხდარზე ევროპულ სტრუქტურებში. 8 ოქტომბრის არჩევნებზე მსგავსი ინციდენტი თუ კიდევ მოხდა, მაშინ სიტყვა ვიზალიბერალიზაციაც უნდა დავივიწყოთ და რადგან კალაძე ატარებს ამ არჩევნებს, ჩათვალეთ, რომ მართლა უნდა დავხუროთ უვიზოდ მიმოსვლის თემა. აქ ჩნდება მეორე ეჭვი, შემთხვევით კალაძე ასეთი ქმედებებით რუსეთის წისქვილზე ხომ არ ასხამს წყალს.

- კახა კალაძე რატომ ასხამს, ის თავად არ დამჯდარა ამ პოსტზე...

- მაშინ ის ასხამს წყალს, ვინც კალაძეს ჩააბარა არჩევნები. ერთადერთი ქვეყანა, რომელსაც არ აწყობს, რომ საქართველომ ვიზალიბერალიზაცია მიიღოს, არის რუსეთი. მე არაფერს ვამტკიცებ, უბრალოდ, ეს არის ეჭვები.

- მოდით, ისევ ვანო მერაბიშვილის თემას დავუბრუნდეთ. ვთქვათ, ის გაამართლა სტრასბურის სასამართლომ და ხელისუფლება იძულებული გახდა, გაათავისუფლოს. ამ გადაწყვეტილებას „ოცნების“ ამომრჩეველი გაგებით მოეკიდება?

- სტრასბურის სასამართლომ თუ გაამართლა, ჩათვალეთ, მეორე დღესვე გამოუშვებენ. ჩვენი ხელისუფლება დასავლეთს ყველაფერში თავს უხრის და ამაში შეწინააღმდეგებას საერთოდ ვერ გაბედავენ. „ქართული ოცნების“ ამომრჩეველი ამას ასე იოლად არ გადაყლაპავს. მათ იმიტომ მისცეს ამათ ხმა, რომ სამართლიანობის აღდგენა სურდათ. სისტემის შემქმნელი მერაბიშვილის გათავისუფლება მათთვის იქნება კატასტროფა და ისინი ამ ხელისუფლებაზე ხელს ჩაიქნევენ. ეს ყველაფერი თუ ხელისუფლებას არ აწყობს, მაშინ პროკურატურა უნდა გააქტიურდეს. დარწმუნებული ვარ, მათ კიდევ რამდენიმე საქმე ექნებათ თაროზე შემოდებული. მერაბიშვილზე რომ უამრავი საქმე ექნებათ, ამაში ეჭვი არავის ეპარება. დასავლეთი რომ არ გააღიზიანონ, რამდენიმე დღით ჩააყლაპებენ სუფთა ჰაერს და შემდეგ ახალ ბრალს წაუყენებენ.

- ამ რამდენიმე დღეში ქვეყნიდან რომ გაეპაროთ?

- ვანო მერაბიშვილმა ქვეყანა თუ დატოვა, ჩათვალეთ, რომ ეს ხელისუფლების მიერ იქნება ორგანიზებული. 21-ე საუკუნეში ქვეყნიდან გაპარვა ასეთი მარტივი საქმე არ არის.

„ახალი თაობა“, 13 ივნისი, 2016 წელი

ინტერვიუ ბიძინა გუჯაბიძესთან: „ქართული ოცნება“ პარლამენტში 115 დეპუტატს გაიყვანს“ // „კონსერვატორებს “ოცნებასთან“ ყოფნა გვინდა“

კონსერვატორების ერთ-ერთი ლიდერი ბიძინა გუჯაბიძე “ახალ თაობას“ „ოცნების“ კოალიციიდან გასული მოკრიტიკე პარტიების პოლიტიკურ პასუხისმგებლობასა და ხრიკებზე ესაუბრება.

- ბატონო ბიძინა, კოალიციიდან გასული პარტიები დღეს „ოცნების“ კრიტიკით არიან დაკავებული. ნაკლოვანებებში „ქართულ ოცნება – დემოკრატიულ საქართველოს“ ადანაშაულებენ, თქვენი პარტია კი დუმს. თქვენც ხომ არ წახვედით „ოცნებიდან“?

- კოალიცია ჩვენ გარეშე და ჩვენი სურვილის მიუხედავად დაიშალა. აღმოჩნდა, რომ საარჩევნო პერიოდის მოახლოებასთან დაკავშირებით კოალიციის წევრ პარტიებს თავიანთი ამბიციები გაუჩნდათ. მათ ამბიციები გამოხატეს კიდეც. აქედან გამომდინარე, კოალიციის შენარჩუნებას აზრი არ ჰქონდა.

- კოალიციიდან გასულად თქვენც ითვლებით?

- რადგან კოალიცია დაიშალა, ჩვენც ვითვლებით კოალიციიდან გასულად. მიუხედავად ამისა, ჩვენ არ დაგვიწყია ერთმანეთზე პასუხისმგებლობის გადაბრალება.

- ანუ კოალიციიდან გასული პარტიების კრიტიკა არაობიექტურია?

- გასული პარტიის სინდისსა და მორალზეა დამოკიდებული, კოალიციაში შემავალი პარტიების კრიტიკა რამდენად ობიექტურია.

- პასუხისმგებლობა ყველას ერთად არ გეკისრებოდათ?

- დიახ, პასუხისმგებლობა ყველას ერთად გვეკისრებოდა და არა ცალ-ცალკე რომელიმე კონკრეტულად აღებულ პარტიას.

- კოალიციიდან გასული პარტიების კრიტიკას არ ეთანხმებით?

- არ ვეთანხმები. მათ ახლა ამოიდგეს ენა და კოალიციაში ყველა პოზიციას, სიკეთესა და პოლიტიკურ გავლენებს მშვენივრად ირგებდნენ. ასე რომ, ვერ დავეთანხმები კრიტიკას.

- ნაკლოვანებებზე რას იტყვით?

- ნაკლოვანება ბევრი გვაქვს, მაგრამ არც საჯაროდ გამოთქმულ კრიტიკას ვეთანხმები. ჯერ შენი თავი უნდა გააკრიტიკო და მერე სხვა. ობიექტურობის კრიტერიუმი არ არის დაცული და ვერც იქნება, რადგან კოალიციიდან გასულ პარტიებს პოლიტიკურმა ალღომ და წესიერებამ ცოტა უმტყუნა.

- ისე, რესპუბლიკელებზე ყოველთვის ამბობდნენ, რომ ძალიან დიდ როლს თამაშობდნენ ქვეყნის მართვაში...

- ასეა. ბუნებრივია, ერთ-ერთი წამყვანი ადგილი ეკავათ და პროცესებზეც გავლენა ჰქონდათ. ამას არავინ უარყოფს.

- თუკი მართვაში მონაწილეობდნენ, პასუხისმგებლობაც ეკისრებათ?

- რასაკვირველია.

- მაშინ რატომ არ სურთ მათ გარკვეული პასუხისმგებლობის საკუთარ თავზე აღება?

- ეგ მათ უნდა ჰკითხოთ. რაც ვთქვი, არა მარტო რესპუბლიკელებს, სხვებსაც ეხებათ.

- ჰო, ფორუმელებიც უცებ `ოცნებისა~ და ბიძინას კრიტიკოსები გახდნენ., რაც ცოტა გასაკვირია...

- ვერ ვიტყვი, რომ ასეთი რამ ჯერ არ მომხდარა პოლიტიკაში. როცა მიდიან დიდი ოჯახიდან, შემდეგ ოჯახის კრიტიკოსები ხდებიან. თავიანთი წასვლა რაღაცით ხომ უნდა გაამართლონ, უნდა დაასაბუთონ, რატომ არ გაჩერდნენ კოალიციაში. ეს ჩვეულებრივი პოლიტიკური ხრიკია. ამას მათ ვერავინ დაუშლის, მაგრამ, რამდენად სწორი და ობიექტურია, ამომრჩეველმა განსაზღვროს.

- თქვენ ბრძანეთ, რომ გარკვეულ პარტიებს რაღაც ამბიციები გაუჩნდათ. თქვენ არ გაქვთ ამბიციები?

- ჩვენი ამბიციები მთავრდება იქ, სადაც იწყება სამშობლოს, ქვეყნისა და სახელმწიფოს სიყვარული. ჩვენი ამბიციები არასოდეს შეგვიწირავს ამ ღირებულებებისთვის, არც მათ წინ დაგვიყენებია. ჩვენ გადახრები არ გვახასიათებს. სწორედ ამით გამოვირჩევით კონსერვატორები სხვებისგან. ყოველთვის ვცდილობდით, ისე მოვქცეულიყავით, რომ ხელისუფლების ცვლილება მომხდარიყო არჩევნების გზით, როგორც ეს მოხდა 2012 წელს. შიდა გარჩევები და კრიტიკა არასოდეს გარეთ არ გამოგვიტანია.

- პარტიის შიგნით ერთმანეთს აკრიტიკებდით?

- კრიტიკა იყო. კოალიციის შიგნით ყოველთვის იყო აზრთა სხვადასხვაობა.

- კოალიციის სხვა სუბიექტები შემჩნეული იყვნენ შიდა კოალიციური ამბებისა და ინფორმაციის გარეთ გამოტანაში?

- არა. მე ვსაუბრობ კრიტიკაზე, რომელსაც კოალიციის შიგნით ჰქონდა ადგილი. პოლიტიკური კრიტიკა ყოველთვის იყო, კრიტიკა შეიძლება გაგეზიარებინა, შეიძლება _ არა, მაგრამ ამაზე ამბავი გარეთ არ გამოდიოდა და არც უნდა გამოსულიყო, თუმცა ნაკლოვანებებზე არც ჩვენ ვხუჭავდით თვალს. დღეს პარტიებს მეტი თავისუფლება აქვთ და რაც უნდათ, იმას ამბობენ.

- თქვენ აშკარად ცუდ ვითარებაში აღმოჩნდით - კოალიციიდან გასულად ითვლებით...

- არა, უარეს ვითარებაშიც ვყოფილვართ. ასე რომ, არავითარი გადაულახავი წინააღმდეგობები არ არის. ყველაფერი მოგვარდება და ჩვენ ჩვენს ადგილს დავიმკვიდრებთ ქართულ პოლიტიკაში, ისე, როგორც ადრე ვიყავით.

- არჩევნებში დამოუკიდებლად მონაწილეობთ?

ჯერ არ ვიცით, როგორი კონტაქტი გვექნება “ოცნებასთან“. ჩვენ არ უარვყოფთ „ქართულ ოცნებასთან“ ერთიან პლატფორმაზე დგომას, არც ადრე უარვყოფდით, ახლა – მით უმეტეს. ვერ ვხედავ სხვა ძალას, რომელიც ძალაუფლებას ხელში აიღებს, გარდა „ქართული ოცნებისა“ და მასთან გაერთიანების სურვილის მქონე პარტიებისა.

- ბიძინა ივანიშვილმა განაცხადა, რომ „ქართული ოცნება“ 95 დეპუტატს გაიყვანს. თქვენი აზრით, რეალური ციფრია?

- დიახ. ეს პოლიტიკოსის სიმწიფეზე მეტყველებს. ეს ნიშნავს იმას, რომ უნდა თქვა მინიმალური და მიიღო მაქსიმალური. ვფიქრობ, „ოცნება“ მეტ დეპუტატს გაიყვანს.

- რამდენს გაიყვანს?

- ვფიქრობ, „ოცნება“ 110-115 დეპუტატს გაიყვანს. ამ ფარგლებში ვიქნებით ხელისუფლებაში.

- ანუ ფიქრობთ, რომ თქვენც „ქართულ ოცნებასთან“ ერთად იქნებით ხელისუფლებაში?

- დიახ. კოალიციური იქნება თუ სხვა კონფიგურაცია ჩამოყალიბდება, ამას მომავალი გვიჩვენებს. ჩვენ შიდა სამზარეულოში გვაქვს ამაზე საუბრები, მაგრამ პოზიციები ჯერ გამოკვეთილი არ არის.

- როდის იქნება საბოლოოდ ეს გარკვეული?

- როდესაც უკვე სრულმასშტაბიანი პოლიტიკური წინასაარჩევნო კამპანია დაიწყება. ჯერ არ ვჩქარობთ არც ჩვენ და არც „ქართული ოცნება“. ჩვენ ვესაუბრებით ყველა იმ პოლიტიკურ ძალას ან ჯგუფს, რომელიც შეიძლება გახდეს მომავალი კოალიციის წევრი „ქართულ ოცნებასთან“ და თავისთავად კონსერვატორებთან. ჯერ კიდევ დუღილი მიდის. დაველოდოთ მოვლენებს.