„რეზონანსი“: არასამთავრობო ორგანიზაცია „გლობალური კვლევების ცენტრმა“ საშინაო პოლიტიკის საკითხებზე მოხსენების პრეზენტაცია გამართა
„რეზონანსი“: ინტერვიუ აკაკი ასათიანთან: “წელს უვიზო რეჟიმი არ იქნება”
„რეზონანსი“: საქართველოში სავიზო რეგულაციები მარტივდება
“სახელმწიფოს მხრიდან სწორი ნაბიჯი გადაიდგა, თუმცა ეს აქამდეც უნდა გაეკეთებინათ”
„ვერსია“: ინტერვიუ ბრაზილიის ელჩთან: უვიზო რეჟიმი, ზაფხულის ოლიმპიადა, ქართული კინოჩვენება ბრაზილიაში და ბოსა ნოვა თბილისში
„ახალი თაობა“: ინტერვიუ ვაჟა ბერიძესთან: „საქართველოს დასავლეთისკენ სწრაფვის ორიათასწლოვანი ისტორია აქვს“
———————-
“რეზონანსი“, 25 მარტი, 2015 წელი
არასამთავრობო ორგანიზაცია „გლობალური კვლევების ცენტრმა“ საშინაო პოლიტიკის საკითხებზე მოხსენების პრეზენტაცია გამართა
(შემოკლებით)
მოწვეულმა პოლიტოლოგებმა და სხვადასხვა სფერო ექსპერტ-სპეციალისტებმა ქვეყანაში არსებულ მძიმე სოციალურ-პოლიტიკური სიტუაციიდან გამოსვლის გზებზე იმსჯელეს, – ნათქვამია პუბლიკაციაში.
„გლობალური კვლევების ცენტრის“ ხელმძღვანელის ნანა დევდარიანის განცხადებით, დღეს როგორც არასდროს, ქვეყნის შედა პოლიტიკა დამოკიდებულია საგარეო პოლიტიკაზე და ქვეყნის საგარეო ფაქტორებზე. „ჩვენს პოლიტიკურ ელიტას რატომღაც ჰქონია, რომ რომელიმე ხელშეკრულების გაფორმებით საკითხი საბოლოოდ გადაწყვიტა, სინამდვილეში ნკი მთავარი სამუსაო სწორედ ამ შეთანხმების გაფორმებით უნდა იწყებოდეს. არასდსროს არ არის გვიან შეთანხმების პუნქტებს გადახედო, როდესაც ხედავ, რომ რეალობა იცვლება, შენც ახალ რეალობას უნდა აუწყო ფეხი, თუმცა სამწუხაროდ არც შიდა პოლიტიკურ და არც საგარეო საკითხებზე მსჯელობისას ჩვენი ხელისუფლებისაგან ეს მობილურობა არ იგრძნობა.
კიდევ ერთი ძირითადი მომენტი, რომლითაც საქართველოს დღევანდელი საგარეო პოლიტტიკა გამოირჩევა, ისაა, რომ უკვე პირდაპირ გვითხრეს – ნატოში ვერ მიგიღებთო, თუმცა გახსოვთ, ალბათ, რომ პრემიერ-მინისტრის წარმომადგფენელი რუსეთთან ურთიერთობის საკითხებში ზურაბ აბაშიძე სწორედ იგივე სიტყვების გამო მწევავედ გააკრიტიკეს, მიუხედავად იმისა, რომ მას ახალი არაფერი უთქვამს. „გაერთიანებული დემოკრატიული მოძრაობის ლიდერმა ნინო ბურჯანაძემ სრულიად მართებულად განაცხადა; „რა ენაზე არარ გვითხრეს ბარაკ ობამამ, ფრანსუა ოლანდმა, ანგელა მერკელმა, რომ ნატოში არ მიგიღებთო და მაინც ვერ გავიგეთ. საინტერესოა, კიდევ ვინ უნდა გვითხრას, რომ დავიჯეროთ და გავაცნობიეროთ, რომ ეს საკითხსი დღის წესრიგში არ დგას? ჩვენ შეიძლება ძალიან გვინდოდეს ნატოში გაწევრიანება, მაგრამ ამ გაწევრიანების არავითარი რეალური კონტურები არ არსებობს. ამასთან, ეს გარემოება ხელს არ უნდა გვიშლიდეს ჩვენი ქვეყნის შენებაში, ყველა მეზობელთან საერთო ენის გამოძებნასა და იმის მცდელობაში, რათა რეგიონში ჩვენი ტრადიციული როლი აღვიდგინოთ, რომელიც, პირადაპირ ვთქვათ, საქართველოს მიხეილ სააკაშვილმა დააკარგვინა“, – აღნიშნულია პუბლიკაციაში.
მასალში მოცემულია აგრეთვე ეკონომიკის ექსპერტის, პროფესორ იოსებ არჩვაძის თვალსაზრისი ქართული ეროვნული ვალუტის – ლარის გაუფასურებისა და საერთოდ, მძიმე სოციალურ-ეკონომიკურ ვითარებაზე.
გარდა ამისა, პუბლიკაციაში მნიშვნელოვანი ადგილი აქვს დათმობილი ექსპერტ-პოლიტოლოგის, პროფესორ სოსო ცინცაძის თვალსაზრისს საქართველოს საგარეო პოლიტიკის ასპექტების თაობაზე.
“რეზონანსი“, 25 მარტი, 2015 წელი
ინტერვიუ აკაკი ასათიანთან: “წელს უვიზო რეჟიმი არ იქნება“
იაგო ნაცვლიშვილი
(შემოკლებით)
“რუსეთთან საჭიროა პირდაპირი დიალოგი. უნდა დასხდნენ ქვეყნის ლიდერები და ილაპარაკონ. ის მაინც უნდა გაერკვიათ, ღირს რამეზე ლაპარაკი? ჩვენ რის დასათმობად ვართ მზად, ისინი – რისთვის. აქამდე ვფიქრობდი, რომ ხელისუფლება დაელაპარაკებოდა რუსეთს, მაგრამ ახლა ვფიქრობ, კიდევ კარგი, რომ არ ელაპარაკება”, – ამბობს “რეზონანსთან” საუბრისას “ტრადიციონალისტების” ლიდერი აკაკი ასათიანი.
პოლიტიკოსი ხელისუფლების არაკომპეტენტურობაზე საუბრობს და ამბობს, რომ აუცილებელია დიპლომატიური აქტიურობა ყველა მიმართულებით. პირდაპირი დიალოგია საჭირო, როგორც საერთაშორისო ორგანიზაციებთან მიმართებაში, ასე რუსეთთან და სხვა მეზობლებთან, თუ მოკავშირეებთან.
აკაკი ასათიანი: ემზადება თუ არა პუტინის რუსეთი იმისთვის, ამის თქმა ძნელია, მაგრამ ისეთი თაობა რუსეთში ნამდვილად არის, რომელიც განმსჭვალულია ომის სულისკვეთებით. მე მაინც მგონია, რომ ეს შანტაჟი უფროა რუსეთის მხრიდან – თითქოს ატომური იარაღი მზადყოფნაში მოიყვანეს.
– შანტაჟი ახსენეთ, ვის მისამართით არის შანტაჟი?
– მთლიანად დასავლეთის და აშშ-ს მისამართით, მაგრამ ევროპა ახლოს არის და მასზე უფრო მოქმედებს ეს ყველაფერი, განსაკუთრებით კი ყოფილი საბჭოთა კავშირის ქვეყნების მიმართ. იარაღის ჟღარუნი ჯერჯერობით არავითარ პრობლემას არ ქმნის, მაგრმ იქ რომ რამე მოხდეს, რამე პროვოუაცია, მაშინ შესაძლოა, ეს სერიოზულ სამხედრო დაპირისპირებაში გადაიზარდოს.
– საქართველოსაც ხომ არ ემუქრება რამე სერიოზული საფრთხე და რა უნდა მოიმოქმედოს ჩვენმა ხელისუფლებამ შესაბამისი პრევენციული ღონისძიებების გასატარებლად?
– რა უნდა გააკეთოს ხელისუფლებამ, ამის თქმა ძნელია. არც აქვს რამის თქმას აზრი. მეეჭვება, რომ ეს ხელისუფლებამ გაიგო, მეორეც, მგონი, სჯობს, რომ ამ ხელისუფლებამ საერთოდ არაფერი მოიმოქმედოს, ეს ნაკლებად დააზარალებს ქვეყანას. მაგრამ უმოქმედობა იმ ფონზე, როდესაც ჯერ აფხაზეთთან დაიდო ე.წ. მოკავშირეობის ხელშეკრულება, ახლა კი ე.წ. სამხრეთ ოსეთთან „რეინტეგრაციის ხელშეკრულება“, მეორე უკიდურესობაა.
– ანუ გამოდის, რომ ამ გამოწვევების ფონზე არაფრის გაკეთება არ შეგვიძლია?
– შეგვიძლია, მაგრამ ვინ არის რამის გამკეთებელი?! თქვენ წარმოგიდგენიათ, რომ ამ ხელისუფლებიდან ვინმემ რამე გააკეთოს? მე არ წარმომიდგენია. ჯერჯერობით ასეა, რომ რუსეთი რასაც მოინდომებს, ყველაფერს გააკეთებს. სიტუაციის დასტაბილურებას ზაქარეიშვილის და ბერუჩაშვილის განცხადებები არ ჰყოფნის.
– „თავისუფალი დემოკრატები“ ამბობენ, რომ ჟენევის მოლაპარაკების ფორმატს ექმნება საფრთხე…
– ჩემი აზრით, ამ ფორმატს ბევრი არაფერი მოუტანია, მაგრამ დიპლომატიური აქტიურობა რომ საჭიროა, ეს ცხადია. დიპლომატიური აქტიურობა საჭიროა ყველა მიმართულებით, ყველა საერთაშორისო სტრუქტურასთან, თუ ცალკეულ სახელმწიფოებთან მიმართებაში. ისევე, როგორც თვითონ რუსეთთან და სხვა მოკავშირე რესპუბლიკებთან. ჩვენ ამოვარდნილები ვართ თანამედროვე საერთაშორისო პოლიტიკური კონტექსტიდან.
თუ „ოცნება“ ფიქრობს, რომ ამ ყოველივეს „ნაციონალებს“ ან შევარდნაძის ხელისუფლებას დააბრალებს, ესეც ეშლებათ. რომელი ხელისუფლების დროსაც ხდება რაღაც, იმ ხელისუფლებას მიეწერება ცუდიც და კარგიც. თუ ამ ხელისუფლებას წარმოუდგენია, რომ მთვარი პოსტების დაკავება მინისტრთა კაბინეტში, საკანონმდებლო ორგანოებსა თუ თვითმმართველ ერთეულებში, ეს არის დიდი შეცდომა. ხელისუფლებას საქმის კეთების უნარი უნდა გააჩნდეს და ასევე რაღაც გადაწყვეტილებების მიღების. თუ ისე წარმოუდგენიათ, რომ მთავარია, „ნაციონალები“ გაუშვან, ეს უკვე ძალზედ არასერიოზულია. დამთავრდა ორი წელი, ამიტომ მგონია, რომ სერიოზულად დადგება ამ ხელისუფლების პასუხისმგებლობის საკითხი ყველა იმ პრობლემის გამო, რომელიც ჩვენი ქვეყნის წინაშე გროვდება. კიდევ ერთხელ გავიმეორენბ, რომ ის პოლიტიკა, რასაც „ოცნება“ რუსეთთან მიმართებაში ატარებდა, სწორი იყო, მაგრამ ამან უკვე ამოწურა თავისი თავი; ახლა ახალი ეტაპია საჭირო, ძალიან ქმედითი. ჩვენი მხრიდან რაღაც ინიციატივები და აქტივობაა საჭირო.
– ერთი მხრივ ხელისუფლება ცდილობს რუსეთთან პოლიტიკის დათმობას, თუმცა ვხედავთ, რაც ხდება ჩვენს საოკუპაციო ზოლთან. ჯერ იყო მავთულხლართები, ახლა მიმდებარე სოფლებიდან უკვე ადამიანებს იტაცებენ…
– ასე იქნება კიდევ დიდხანს… თუ შენ მას არ ეტყვი, რომ შეგხვდები და ვილაპარაკოთ, მაშინ ის ჩათვლის, რომ შენ ვალდებული იყავი, ასე მოქცეულიყავი. ამ დათმობას არაფრად არ ჩათვლის. ეს დაახლოებით იცით როგორაა? ხელისუფლება ეუბნება,რ ომ სააკაშვილი ხომ გაგინებდა,მე აღარ გაგინებ. რუსეთის პასუხი კი ასეთია: არ მაგინებ და ნუ მაგინებ. რა თქმა უნდა ეს რიტორიკა შესაცვლელი იყო, მაგრამ ამასთანავე საჭიროა პირდაპირ დიალოგი. უნდა დასხდნენ ქვეყნის ლიდერები და ილაპარაკონ.ის მაინც უნდა გაერკვიათ, ღირს რამეზე ლაპარკი? ჩვენ რის დასათმობად ვართ მზად, ისინი რისთვის. აქამდე ვფიქრობდი, რომ ხელისუფლება დაელაპარაკებოდა რუსეთს, მაგრამ ახლა ვფიქრობ, კიდევ კარგი,რომ არ ელაპარაკება.
– რატომ ფიქრობთ ასე?
– იმიტომ, რომ ან თვითონ რა უნდა უთხრან. ან ისინი რასაც ეტყვიან, იმას თუ გაიგებენ და სათქმელს ჩვენამდე თუ მოიტანენ სწორად, ამაში ეჭვი მეპარება. პირდაპირ ვამბობ, რომ სრულიად არაკომპეტენტურ ხელისუფლებასთან გვაქვს საქმე. დღევანდელი ხელისუფლების ამოცანაა, რომ მთავარია, „ნაციონალების“ აქციაზე ბევრი ადამიანი არ მივიდეს – ჯანდაბას 10 000 კაცი თუ მივა, მაგრამ 20 და 30 ათასი კაცი არ მივიდეს. მე ვეუბნები, რომ ბევრი ადამიანი არ მივა „ნაციონალების“ აქციაზე, მაგრამ ეს იმას ნიშნავს, რომ ხალხი აღტაცებული და კმაყოფილია „ქართული ოცნების“ პოლიტიკით.
(…)
– ხელისუფლება თავს იწონებდა, რომ ევროკავშირთან ასოცირების ხელშეკრულება გაფორმდა, რაც სავიზო ლიბერალიზაციის პერსპექტივასაც აჩენდა. ამ საკითხზე გასამართ რიგის სამიტამდე ორი თვე რჩება. როგორ ფიქრობთ, სამიტზე პოლიტიკური გადაწყვეტილების მიღება რეალურად მიგაჩნიათ?
– სავიზო ლიბერალიზაცია არ იქნება. ეს კარგი იქნებოდა იმ პირობებში,ჩვენ რომ აქტირუი ხელისუფლება გვყავდეს, რომელიც საგრძნობ ეკონომიკურ წინსვლას მიაღწევდა.
რაც შეეხება ასოცირების ხელშეკრულებას, იქ მოსაწონებელი არაფერია. ამას ევროკავშირი რეგიონში ყველას სთავაზოდა. ჩვენი ხელისუფლების დამსახურება ისაა, რომ ზოგიერთი ქვეყნისგან განსხვავებით, ამ შემოთავაზებაზე უარი არ თქვა.
გაფორმდა ხელშეკრულება და პროცესი გაჩერდა, იქვე ყველაფერი დამთავრდა. ხელისუფლებას უნდა მოეხერხებინა და ეს ხელშეკრულება სასარგებლოდ გამოეყენებინა. იგივე ინვესტიციების მოზიდვის კუთხით, თუ ევროპის ბაზარზე გასვლის მიმართულებით.
თუმცა სავიზო ლიბერალიზაციის დიდი მომხრე არ ვარ. ეს გამოიწვევს იმას, რომ ქვეყანა სულ დაიცლება მოსახლეობისგან. ლიტვა ჩვენზე ბევრად განვითარებულია, ნახევარიმილიონია გასული სამმილიონიანი მოსახლეობიდან.
ხელისუფლების ადგილას ჯერ ქვეყანას მოვაწესრიგებდი, შევქმნიდი განვითარებულ და ჯანსაღ ეკონომიკურ გარემოს და მერე ვიფიქრებდი მაგაზე.
– გუშინ საგ.არეო უწყებამ გაავრცელა ცნობა,რომ უახლოეს პერიოდში იგეგმება აშშ-ის სახელმწიფო მდივნისა და გერმანიის კანცლერის ვიზიტი საქართველოში. ელოდებით თუ არა, რომ ეს ვიზხიტი მოიტანს რამე პროგრესს?
– კარგი იქნებოდა, დაეკონკრეტებინათ რისთვის ჩამოდიან. იმისთვის ჩამოდიან, რომ ვიზიტი ვიზიტისთვის იყოს და მერე გვითხრან, რომ აი, პროდასავლური კურსი გვაქვსო?! პრეზიდენტი ბუში იყო ჩამოსული, მაგრამ რამდენიმე წელში ომი დაგვატყდა თავს და კაცმა ყური არ გაიბარტყუნა.
“რეზონანსი“, 25 მარტი, 2015 წელი
საქართველოში სავიზო რეგულაციები მარტივდება
“სახელმწიფოს მხრიდან სწორი ნაბიჯი გადაიდგა, თუმცა ეს აქამდეც უნდა გაეკეთებინათ“
ელზა პაპოშვილი
(შემოკლებით)
მთავრობამ უცხოელებზე საქართველოს ვიზების გაცემის პროცედურებისა და ზოგადად, სავიზო რეგულაციების გამარტივების გადაწყვეტილება მიიღო. შესაბამისი კანონპროექტი, ეკონომიკისა და მდგრადი განვითარების სამინისტროს, საგარეო საქმეთა სამინისტროს და იუსტიციის სამინისტროს ავტორობით და მთავრობის ინიციატივით, პარლამენტს განსახილველად უკვე წარედგინა.
გამარტივებაში კონკრეტულად იგულისხმება ის, რომ საქართველოს ვიზის გაცემაზე უფლებამოსილი ორგანოების ჩამონათვალი იზრდება და შესაძლებელი ხდება, რომ ვიზის გაცემაზე უშუალოდ გადაწყვეტილება საგარეო საქმეთა სამინისტრომ მიიღოს (საელჩოებთან, საკონსულოებთან და შს სამინისტროს კონკრეტულ სტრუქტურასთან ერთად).
გამარტივებული სავიზო რეგულაციის მიხედვით, იმ უცხოელებისათვის, რომელტა სახელმწიფოს საქართველოში არც საელჩო და არც საკონსულო არ აქვს, შესაძლებელია ვიზის გაცემა ან სხვა საჭირო მოქმედების განხორციელება იმ მესამე სახელმწიფოს მიენდოს, რომელიც მისაღები იქნება ადგილსამყოფელი სახელმწიფოსათვის.
ფონდ „ღია საზოგადოება – საქართველოს“ ევროინტეგრაციის მიმართულების მენეჯერი ვანო ჩხიკვაძე პარლამეტში წარდგენილ კანონპროექტს დადებითად მიიჩნევს.“საერთაშორისო გამჭვირვალობა – საქართველოს“ საპარლამენტო მდივანი ლიკა საჯაია თვლის რომ მთავრობამ სავიზო რეგულაციის გამარტივების გადაწყვეტილება მხოლოდ მას შემდეგ მიიღო, როცა მათმა ორგანიზაციამ კვლევა ჩაატარა და გაირკვა, რომ გამკაცრებულმა სავიზო რეჟიმმა საქართველოს ზარალის გარდა არაფერი მოუტანა. ლიკა საჯაია გამოთქვამს შენიშვნებსაც, მაგალითად, მას მიაჩნია, რომ აუცილებელია ბინადრობის ნებართვის გამარტივება, „რადგან ამ მიზნით უამრავი უცხოელი მოგვმართავს, რომლებსაც უარს მხოლოდ იმიტომ ვეუბნებით, რომ მათი ჩვენთან მათი ყოფნა უსაფრთხოების მიზეზით მიზანშეუწონელია. არადა, ძალიან ბევრი ადამიანი საქართველოში სამეცნიერო და ბიზნესსაქმიანობისათვის ჩამოდის, რომლებიც არანაირ საფრთხეს არ წარმოადგენენ“.
„ვერსია“, 25 მარტი, 2015 წელი
ინტერვიუ ბრაზილიის ელჩთან: უვიზო რეჟიმი, ზაფხულის ოლიმპიადა, ქართული კინოჩვენება ბრაზილიაში და ბოსა ნოვა თბილისში
მაკა ლომაძე
11 მარტს საქართველომ ბრაზილიასთან უვიზო მიმოსვლის შეთანხმება გააფორმა. ბრაზილიის მხრიდან ხელშეკრულება ძალაში 10 აპრილიდან შევა. შეთანხმება გულისხმობს ორივე ქვეყანაში ტურისტული და ბიზნესის მიზნით ორდინალური პასპორტის მფლობელი მოქალაქეების გათავისუფლებას ვიზების აღების ვალდებულებისგან. კერძოდ, შეთანხმების ძალაში შესვლის შემდეგ, საქართველოს მოქალაქეები შეძლებენ ბრაზილიის ტერიტორიაზე შესვლას, ყოფნას და ტრანზიტს 90 დღის განმავლობაში, 180-დღიან პერიოდში.
ამ და სხვა საინტერესო საკითხებზე, „ვერსია“ ბრაზილიის ელჩს საქართველოში, კარლოს ალბერტო ლოპესასფორას ესაუბრა, რომელმაც აღნიშულ დოკუმენტს ხელი, საქართველოს საგარეო საქმეთა მინისტრ თამარ ბერუჩაშვილთან ერთად მოაწერა.
- ეს შეთანხმება ძალიან კარგი ახალი ამბავია. მოლაპარაკებები რამდენიმე წელია მიმდინარეობს. ძირითადად, ბიუროკრატიულ სირთულეებს ვაწყდებოდით და არა პოლიტიკურს. დაახლოებით ორ კვირაში, საქართველოს მოქალაქეებს ბრაზილიაში ვიზის გარეშე შესვლა შეეძლებათ, რაც ძალიან კარგია. ეს შეთანხმება გაზრდის ჩვენ ქვეყნებს შორის მოგზაურებეს რიცხვს (საქართველოს ტურიზმის ადმინისტრაციის ინფორმაციით, 2013 წელს ჩვენს ქვეყანას ბრაზილიიდან 604 საერთაშორისო მოგზაური ეწვია, 2014 წელს კი _ 636). ბრაზილიელებიც ასევე ისარგებლებენ. ვიზებს ბოლო რამდენიმე თვე გავცემდით, ეს პროცესი აქამდეც არ იყო რთული და არც დროში იწელებოდა, მაგრამ თავად ფაქტი, რომ შეგიძლია დამატებითი ტვირთი აირიდო, ძალიან სასიამოვნოა.
- ბრაზილიის საელჩო 2011 წლიდან არსებობს და ვიზებს მხოლოდ ბოლო თვეებია გასცემთ?
- დიახ, მაგრამ საკონსულო მხოლოდ 2013 წლის ნოემბრიდან ფუნქციონირებს. მანამდე არ გვქონდა საჭირო მოწყობილობა. ამიტომაც ბრაზილიის ვიზების მისაღებად, ქართველები იძულებულნი იყვნენ ჩასულიყვნენ ანკარაში, ერევანში, ბაქოში, სტამბოლში ან კიევში. ვიზა არც ისე ძვირი, 20 დოლარი ღირდა. რა თქმა უნდა, რამდენიმე კვირის განმავლობაში მნიშვნელოვნად არ მოიმატებს ტურისტების რაოდენობა, ამას დრო სჭირდება, თუმცა, ბრაზილიაში შესაბამისი ინფორმაციის გავრცელებაზე საქართველოს საელჩო იზრუნებს. საელჩოს ოფიციალურ და ასევე ჩემს პირად ვებგვერდებზეც უკვე განთავსებულია სიახლე.
- საქართველოს საგარეო საქმეთა სამინისტროს ინფორმაციით, ორ ქვეყანას შორის ვაჭრობა ბოლო 10 წლის განმავლობაში 228%-ით გაიზარდა. დღეს როგორია საქართველო- ბრაზილიის ბიზნესკონტაქტები?
- ჯერ არ მაქვს 2014 წლის სრული სურათი, მაგრამ 2013 წელს, ორმხრივი ვაჭრობის შედეგად 200 მილიონ დოლარზე მეტი მივიღეთ. ბოლო წლებში, ამ მხრივ შეინიშნებოდა პროგრესი. ახლა კი, უვიზო რეჟიმის პირობებში, მოსალოდნელია, რომ ორმხრივი კონტაქტების ყველა დონეზე ზრდა, იქნება ეს ტურიზმი, ბიზნესი თუ სხვა. საბჭოთა კავშირის დროს, ეს ყველაფერი წარმოუდგენელი იქნებოდა, მაგრამ სულ სხვაა დემოკრატიული საქართველო, რომელიც მსოფლიოსთვის ღიაა, რომელსაც სურს, მიიღოს რაც შეიძლება მეტი ტურისტი და ბრაზილიაც ასევეა განწყობილი. მომავალ ზაფხულს, რიოში ჩატარდება ზაფხულის ოლიმპიადა. ძ ბევრ ტურისტს ველით… გიწვევთ ქართველებსაც. დიდი ინფრასტრუქტურული სამუშაოები ტარდება, ხდება მოდერნიზება, ახლდება ტრანსპორტის სისტემა, გვარდება დაბინძურების პრობლემები. რიო, რომელსაც ჩვენ, ბრაზილიელები „საუცხოო ქალაქს“ ვუწოდებთ, უფრო გასაოცარი გახდება. მიუხედავად იმისა, რომ შარშან უკვე მეორედ ვუმასპინძლეთ ფეხბურთის მსოფლიო ჩემპიონატს, ოლიმპიადა ბრაზილიაში პირველად ტარდება. მთელი მსოფლიოს ყურადღება ჩვენსკენ იქნება მიმართული. რიო-დე-ჟანეირო ათწლეულებია მნიშვნელოვანი ტურისტული ცენტრია, მაგრამ ახლა განსხვავებულ ელფერს შეიძენს _ ოლიმპიადა ხომ მსოფლიო სპორტის უდიდესი დღესასწაულია. სპორტმა კი, უდიდესი როლი შეიძლება შეასრულოს მსოფლიო ხალხთა დაახლოებაში.
(…)
- ბრაზილია არ არის ევროკავშირის ქვეყანა, მაგრამ მაინც, რა მნიშვნელობა აქვს ჩვენ ქვეყნებს შორის უვიზო რეჟიმის შემოღებას რიგის სამიტამდე?
- ეს ერთმანეთთან კავშირში არ არის, მაგრამ ეს ფაქტია, ბევრ ქვეყანას სურს, საქართველო დაინახოს, როგორც პარტნიორი, რომელიც ასეთ ურთიერთობას იმსახურებს. სხვა ქვეყნებსაც შეუძლიათ, ბრაზილიას მიბაძონ.
- ბევრმა არც კი იცის, რომ საქართველოში ბრაზილიის საელჩო არსებობს. როგორია ქვეყნებს შორის ურთიერთობა?
- მართლაც ასეა… საელჩო 2011 წელს გაიხსნა. მაისში ჩამოვიდა პირველი ბრაზილიელი დიპლომატი, რომელმაც შეარჩია ადგილი საელჩოსთვის, გახსნა საბანკო ანგარიში… მე აგვისტოში ჩამოვედი. ორ ქვეყანას შორის უმაღლესი დონის რამდენიმე ვიზიტი ჩატარდა. წელს, ჩატარდება უმაღლესი დონის ორმხრივი საკონსულტაციო შეხვედრა. ბრაზილიის საგარეო საქმეთა მინისტრის მოადგილე თბილისში ჩამოვა. თარიღი ჯერ ცნობილი არ არის, მაგრამ ამ მიმართულებით ვმუშაობთ. ეს იქნება მეოთხე ასეთი ტიპის შეხვედრა საქართველოსა და ბრაზილიას შორის, რაც ძალიან კარგი მაჩვენებელია მაშინ, როცა მხოლოდ 4 წელია, საელჩო არსებობს. ვთანამშრომლობთ კულტურის მიმართულებითაც. ვცდილობთ, საქართველოში წარმოვადგინოთ ბრაზილიური კულტურის ყველა ასპექტი, რაზეც კი ხელი მიგვიწვდება. გვქონდა რამდენიმე კინოკვირეული. ვფიქრობ, ისევ იქნება ფილმების ჩვენება, რადგან ინტერესი მაღალი იყო. ბრაზილიის დედაქალაქში, ქართული საელჩოს ეგიდით, ქართული კინოჩვენებებაც მიმდინარეობს. გასულ კვირას ჩვენება რიოშიც მოეწყო და სან-პაულოშიც. ძალიან აქტიური ელჩი გყავთ. ნაჩვენები იყო როგორც ძალიან ძველი, ისე ახალი ქართული ფილმები.
(…)
- მაგიდაზე, ოთარ ჭილაძის რომანის ინგლისური თარგმანი გიდევთ. კითხულობთ?
- ახლახან ვიყიდე. ვცდილობ, ქართულ კულტურას გავეცნო. ვნახე ბევრი ბალეტი, თეატრი, ფილმი. ვიცნობ ქართულ ფოლკლორს და ძალიან მომწონს. გავეცანი თანამედროვე მუსიკასაც. ვისურვებდი, ლიტერატურაში ორივე მხრიდან გაკეთდეს თარგმანები, მაგრამ, სამწუხაროდ, ეს ბიუჯეტზეა დამოკიდებული და ბრაზილიასაც, როგორც საქართველოს, ბოლო პერიოდში, ეკონომიკური კრიზისი უდგას.
- პრობლემები დემოკრატიის თვალსაზრისითაც არის, თქვენი აზრით?
- დეტალებზე არ ვისაუბრებ. პროგრესი არის ევროსტანდარტებისა და თავისუფლების დაცვის კუთხით, თუმცა ეს უწყვეტი პროცესია და თვით ამერიკის შეერთებული შტატები, რომელიც დემოკრატიის ფლაგმანია და 200-წლიანი კონსტიტუცია აქვს, სულ წინ მიდის. დემოკრატია წინსვლისა და სრულყოფის მუდმივი პროცესია. იგივე ეხება საქართველოს და ბრაზილიასაც _ ვცდილობთ, მუდმივად განვვითარდეთ. გულხელდაკრეფილი არ უნდა იჯდე და სასწაულს ელოდო. ყველაფერი ნელ-ნელა უნდა ააშენო.
„ახალი თაობა“, 24 მარტი, 2015 წელი
ინტერვიუ ვაჟა ბერიძესთან: „საქართველოს დასავლეთისკენ სწრაფვის ორიათასწლოვანი ისტორია აქვს“
ანალიტიკოსი ეკონომიკურ და პოლიტიკურ საკითხებში ვაჟა ბერიძე „ახალი თაობის“ ჟურნალისტ თამარ ნინიძეს საქართველოს საგრეო ორიენტაციის საკითხებზე ესაუბრება.
გთავაზობთ ამონარიდს პუბლიკაციიდან:
კორესპონდენტის შეკითხვაზე, რომელიც ნატოში საქართველოს მიღება-არმიღებას ეხება და რომელიც დეპუტატმა გოგი თოფაძემ გააჟღერა, ვაჟა ბერიძე პასუხობს:
გოგი თოფაძის განცხადების აჟიტირება მიზანშეწონილად არ მიმაჩნია. იგი მმართველი კოალიციის წევრი კი არის მაგრამ მას და მის გუნდს კოალიციაში მოკრძალებული ადგილი უჭირავს. კოალიციის რეიტინგი „მრეწველების“ რეიტინგზე არაა დამოკიდებული. გოგი თოფაძეს სრული უფლება აქვს თავისი მოსაზრება გამოხატოს. მაშინ როცა ირაკლი ღარიბაშვილი და ბიძინა ივანიშვილი მკაფიოდ აფიქსირებენ ევროატლანტიკური კურსისადმი ერთგულებას, გოგი თოფაძე თუ პრინციპულად დასვამს საკითხს, მაშინ, ალბათ, გავა კოალიციიდან. თუ მას უფრო მომხიბლავად ეჩვენება ევრაზიული კავშირი, ჩვენ დავუსაბუთებთ, რომ სხვა მიმართულებით სვლის მომხრეები ვართ…
მე ამ საკითხზე არც რეფერენდუმს გამოვრიცხავ და არც პლებისციტს, თუმცა ამის უაცილებლობას ვერ ვხედავ. ამ რამდენიმე წლის წინ გამართულ რეფერენდუმზე თუ ვინმე იტყვის, რომ ის გაყალბებული იყო, შეიძლება ასეცაა, მაგრამ საგარეოპოლიტიკური ორიენტაციის თემა არ არის მყისიერი გამოკითხვის თემა. საქართველოს დასავლეთისკენ სწრაფვის ორიათასწლოვანი ისტორია აქვს. ევროპა რუსეთისთვისაც პერსპექტიულია. ადრე თუ გვიან მოსკოვიც ევროპისაკენ წავა და ჩვენ რატომ არ უნდა წავიდეთ უფრო ადრე?
