“გლობალური კვლევების ცენტრის“ ხელმძღვანელი ნანა დევდარიანი მიიჩნევს, რომ ის კინკლაობა, რაც პრეზიდენტსა და პრემიერ-მინისტრს შორის არსებობს, უხერხულია.
რას მოუტანს მარგველაშვილს ახალი თამაშის წამოწყება და საკუთარ პოლიტიკურ გუნდთან დაპირისპირება?
როგორც ნანა დევდარიანი აცხადებს, ეს მისთვის დამღუპველი იქნება.
„ამაში კარგი არაფერი იქნება და მისი პოლიტიკური მომავალი ჩათვალეთ, რომ აღარ არსებობს. მაშინ ერთადერთი გზა რჩება, რომ შეუერთდეს „ნაციონალურ მოძრაობას“. დღეს რომ ადამიანი „ნაციონალურ მოძრაობას“ შეუერთდება, მას პოლიტიკასთან ბევრი საერთო აღარ აქვს“, – განუცხადა დევდარიანმა „ახალ თაობას“.
